"Real" hujumchisi Krishtianu Ronalduning transfer narxi pasaydi.

Transfermarkt portalida portugaliyalik futbolchining transfer narxi 120 million yevrodan 110 million yevroga tushgan.

31 yoshli bu futbolchining transfer narxidagi bu o‘zgarish uning "Qirollik jamoasi"da kutilganidek o‘yin ko‘rsata olmayotgani bilan bog‘liq.

Joriy mavsumda Krishtianu Ronaldu jamoa bilan barcha turnirlarda 33ta o‘yin o‘tkazgan va 34ta gol urgan. Lekin u o‘yinlarning 17tasidagina maydonni gol urmasdan tark etmagan. U "Real"ning muhim o‘yinlarida o‘zini ko‘rsata olmayotgani qayd etilgan.