«Milan» jamoasi hujumchisi M′Bayye Nyang o‘z avtomobilida yo‘l transport hodisasini qayd etgani ma'lum bo‘ldi.

Bu voqea dushanbaga o‘tar kechasi sodir bo‘lgan. Futbolchining yelkasi va tizzasi jarohat olgan.

Uning jarohati jiddiy emasligi, ammo futbolchi «Alessandriya» va «Sassuolo» jamoalariga qarshi bahslarni o‘tkazib yuborishi aniqligi aytilgan.

Nyang alkogol iste'mol qilgan-qilmagani bo‘yicha nazoratdan o‘tgan. Test natijalari u avariya arafasida mast holatda bo‘lmaganini ko‘rsatgan.