Chexiya prezidenti Milosh Zemanning fikricha Turkiya prezidenti Rajab Toyib Erdo‘g‘an mintaqada yuz bergan migratsion inqirozni bartaraf etish uchun sarflashni ro‘kach qilib, Yevropa Ittifoqidan tobora ko‘proq pul undirishda davom etadi. U bu haqda Pragadagi "Parlament sahiflari" nomli nashrga bergan intervyusida aytib o‘tgan.
"Erdo‘g‘anga 3 mlrd yevro taklif qilishdi. U 9 mlrd dollar talab qildi. Keyingi sammitda bu miqdor yana oshishi aniq", deydi chexlar prezidenti.
U mart oyida Yevropa Ittifoqi va Turkiya o‘rtasida muhojirlar masalasidagi navbatdagi sammit o‘tkazilishini taxmin qilgan.
"Mart oyi boshida Istanbulda yana muzokaralar boshlanadi. Unda keskin muhokamalar o‘tkazilishi mumkin", deydi u.
