2016 yilning 17-21 fevral kunlari Tailand poytaxti Bangkok shahrida sport kurashlari bo‘yicha kattalar o‘rtasida Osiyo chempionati bahslari o‘tkaziladi. Mazkur qit'a chempionatida O‘zbekiston terma jamoasi an'anaga ko‘ra har uchala sport turida ham g‘oliblik uchun kurash olib boradi. Bu haqda O‘zbekiston Milliy Olimpiya qo‘mitasi matbuot xizmati xabar bergan.
Osiyo chempionatiga yo‘l olgan O‘zbekiston vakillari tarkibidan bir qator yetakchi sportchilar o‘rin olishmagan. Ayni paytda o‘zbekistonliklarning birinchi raqamli polvonlari shu yilning 18-20 mart kunlari Ostona shahrida (Qozog‘iston) “Rio-2016” Olimpiada o‘yinlarining yo‘llanmalari o‘ynaladigan nufuzli musobaqaga qizg‘in hozirlik ko‘rishmoqda.
Tailandda o‘tkaziladigan Osiyo chempionatida esa Olimpiada o‘yinlarining yo‘llanmalari o‘ynalmaydi. Shu bois, terma jamoalar murabbiylari lisenzion musobaqaga olib borilayotgan tayyorgarlik rejasini buzmaslikka va Bangkok gilamlarida yosh, iqtidorli sportchilar imkoniyatini imtihondan o‘tkazishga qaror qilishgan.
Quyida Osiyo chempionatiga yo‘l olgan terma jamoalar tarkibi berilgan:
Yunon-rum kurashi: - Feruz To‘xtayev (-59 kg), Aram Varlanyan (-66 kg), Nurbek Xolmuhammatov (-71 kg), Dilshod Turdiyev (-75 kg), Jonibek Otabekov (-80 kg), Muhammadali Shamsiddinov (-85 kg), Suhrob Fattoyev (-98 kg), Mo‘minjon Abdullayev (-130 kg). Murabbiylar: Ravshan Ro‘ziqulov, Hayrulla Abdullayev.
Erkin kurash: - Mahmudjon Shavkatov (-57 kg), Muhammadsiddiq Jo‘rayev (-61 kg), Ma'ruf Nurillayev (-65 kg), Davron Avezov (-70 kg), Islomiddin Raximov (-74 kg), Ilfat Radjapov (-86 kg), Suhrobjon Mukarramov (-97 kg), Diyor Aralov (-125 kg). Murabbiylar: Olim Hikmatov, Abdurauf Bozorboyev.
Ayollar kurashi: - Dauletbike Yaxshimuratova (-48 kg), Zuhra Mustanova (-53 kg), Sevara Yeshmuratova (-55 kg), Nabira Yesenbayeva (-58 kg), Salomat Ko‘chimova (-60 kg), Nilufar Gadoyeva (-63 kg), Baxtigul Baltaniyazova (-69 kg), Lolaxon Orinbayeva (-75 kg). Murabbiylar: Axmet Kagarmanov, Bahodir Kalimbetov.
Osiyo chempionatida bellashuvlarni boshqarib boradigan hakamlar brigadasidan o‘zbekistonlik G‘ayrat Abdullayev va Tohir G‘ulomov ham o‘rin egallashgan.
