Dronlar uchun parraklar sotuvchi Propsman kompaniyasi ichi to‘la omborxonada ikki dronning poygasini videoga oldi. Tashkilotchilar poyga trassasining bir qismini ko‘chada joylashtirdilar va yo‘l bo‘ylab maxsus chekpointlar o‘rnatdilar.

Poyga vaqtida dronlar operatorlari turli to‘siqlarni aylanib o‘tadilar hamda havoda keskin burilishlar sodir etadilar. Bu vaqtda poygani suratga olayotgan dron yo‘l davomida raqibini taqib etib boradi va finish oldida unga yetib oladi. Poyga ikki dronning to‘qnashuvi bilan yakunlanadi.

2015 yil iyulda Kaliforniyada dronlar poygalari bo‘yicha birinchi chempionat bo‘lib o‘tdi. Musobaqaning mukofot jamg‘armasi 25 ming dollarni tashkil qilgan, g‘olib esa yangi zelandiyalik Ched Novak bo‘lgandi.

2016 yil mart oyida Dubayda yana bir dronlar poygalari bo‘yicha chempionat o‘tkazilishi rejalashtirilgan. Bosh mukofot million dollarni tashkil qiladi. Mukofotlar bir necha yo‘nalishlarda, jumladan eng yaxshi dron ishlab chiqaruvchisi yo‘nalishida ham taqdim etiladi.