Qozog‘istonda “Kazpochta” AJ tashabbusi bilan yangi pochta indekslari tizimi ishga tushirildi. Endilikda mamlakatdagi har bir inshoot o‘z harfli-raqamli kodiga ega bo‘ladi.

Nur.kz saytining yozishicha, yangi indeks yetti ramzdan iborat bo‘ladi: birinchisi shahar yoki viloyatni, keyingi ikkitasi tumanni, qolgan to‘rttasi esa ko‘cha va inshoot raqamini ifodalaydi.

Yangi indekslarni Postcode.kz sayti orqali bilib olish mumkin bo‘ladi.