Pentagonda Saudiya Arabistoni Suriyadagi quruqlikdagi operatsiyada ishtirok etish uchun o‘z qo‘shinlarini yuborish taklifini bildirganidan xabardorlar, deb xabar bermoqda Reuters axborot agentligi.
Bu haqda Pentagon rahbari Eshton Karter Nevadadagi aviabazaga tashrifi davomida aytib o‘tdi.
Karter keyingi haftada ushbu taklifni Ar-Riyod vakillari bilan Bryusseldagi uchrashuvda muhokama qilishni rejalashtirayotganini ma'lum qildi.
Karterning ta'kidlashicha, Saudiya Arabistoni hukumati IShID terrorchilariga qarshi kurashni kuchaytirishga tayyorligini namoyish qilmoqda.
