12-14 fevral kunlari Jizzax shahridagi “Navro‘zbuloq” poygagohida avtokross bo‘yicha O‘zbekiston kubogi musobaqalari o‘tkaziladi.

Mazkur musobaqani yuqori saviyada o‘tkazish to‘g‘risida viloyat hokimligi tomonidan chora-tadbirlar rejasi ishlab chiqilgan va tasdiqlangan.

"Avtokross – sportning texnik va amaliy turi hisoblanib, O‘zbekiston mudofaasiga ko‘maklashuvchi "Vatanparvar” tashkiloti, O‘zbekiston milliy avtomobil federatsiyasi, Respublika texnik va amaliy sport turlari markazi, Jizzax viloyat hokimligi hamkorligida tashkil etiladi.

Eslatib o‘tamiz, o‘tgan 2015 yilgi bahslarda Jizzax viloyati vakillari umumjamoa hisobida birinchi o‘rinni egallagan edi.

Barcha avtokross ixlosmandlarini Avtokross musobaqalariga taklif etamiz", deyiladi Jizzax viloyat hokimligi sayti xabarida.