Madridning «Real» klubi bosh murabbiyi Zinedin Zidan rossiyalik yarimhimoyachi Denis Cherishev jamoani tark etishi mumkinligini ta'kidladi.

«Cherishev masalasini dushanba kuni ko‘rib chiqamiz, u rostan ham jamoani tark etishi mumkin. Denis ajoyib futbolchi, ammo unga doimiy o‘yin amaliyoti zarur.

Uning uchun asosiysi – o‘yin amaliyoti. Bu futbolchi mashg‘ulotlar davomida tinmasdan mehnat qiladi. Denis rivojlanishi uchun maydonga tez-tez tushib tushishi lozim.

Unga doim omad tilayman. Agar unda ketish imkoniyati bo‘lsa, men Denis uchun xursand bo‘laman. Voqealar rivoji qanday bo‘lishini ertaga (bugun) bilib olamiz», – deya ta'kidladi Zidan.

Eslatib o‘tamiz, oldinroq Cherishev Angliyaning «Liverpul» klubiga o‘tishi mumkinligi borasida gap-so‘zlar tarqalgandi.