Ҳафтанинг иккинчи ярмида ҳаво ҳарорати бироз пасаяди

Пайшанба куни республиканинг барча ҳудудларида ҳарорат пасайиши кузатилади. Ҳудуднинг катта қисмида ҳарорат +30...+35 даража атрофида бўлади.

Фото: Kun.uz

Ҳафтанинг биринчи ярмида Ўзбекистон ҳудудига жанубдан яна қуруқ ва иссиқ ҳаво кириб келади.

23-25 июн кунлари ҳаво ҳарорати кундуз кунлари +38...+41, жанубда ва чўл ҳудудларда баъзи жойларда +42...+44 даражагача кўтарилади.

Бу кунларда республика бўйича асосан кам булутли ва қуруқ об-ҳаво кузатилади. Фақат Қорақалпоғистон Республикасида ва Навоий вилояти шимолида 24-25 июн кунлари баъзи жойларда қисқа муддатли ёмғир ёғиши, момақалдироқ бўлиши мумкин, 25 июнда ҳарорат +26...+31 даражагача пасаяди.

Пайшанба куни республиканинг барча ҳудудларида ҳароратнинг пасайиши кузатилади. Ҳудуднинг катта қисмида ҳарорат +30...+35 даража атрофида бўлади.

Жума куни ҳарорат бироз кўтарилади ва +33...+36, баъзи жойларда +38 даражани ташкил этади.

Республика бўйича баъзи жойларда шамол тезлиги 13-18 м/с гача кучайиши кутилмоқда, 25-26 июнда айрим жойларда 20-22 м/с гача кучайиши, чанг-тўзонлар билан кузатилиши мумкин.

23 июнда Фарғона водийсининг айрим тоғли ҳудудларида, 26 июнда республиканинг тоғли ҳудудларида баъзи жойларда қисқа муддатли ёмғир ёғиши, момақалдироқ кузатилиши мумкин.

Тошкентда асосан кам булутли об-ҳаво бўлади, ёғингарчилик кутилмайди.

23-25 июн кунлари ҳарорат асосан кундузи +38...+41 даража бўлади, 26 июнда +31...+33 даражагача пасаяди, 27 июнда +34...+36 даража бўлади.

#об-ҳаво #Ўзгидромет