Жаҳон | 10:11 / 22.06.2025
2591
2 дақиқада ўқилади

Японияда қурол ўрнига ўткир зираворлардан фойдаланган ўғрилар ушланди

Ҳиндистон ва Непалдан бўлган шахслар каррига ўхшаш кукунсимон зираворни жабрланувчининг кўзига сепиб, унинг пул солинган портфелини ўғирлашга уринган.

Фото: AP

Япониянинг Тосикава шаҳрида Ҳиндистон ва Непал фуқаролари қурол ўрнига ўткир зираворлардан фойдаланган ҳолда ўғирлик содир этишга уринди, деб хабар беради Sora News.

Сайтама префектураси полициясига кўра, воқеа 14 мартда содир бўлган. Кўчада кетаётган 52 ёшли японнинг олдига тўрт киши — икки нафар ҳинд ва икки нафар непаллик келган. Тергов маълумотларида келтирилишича, жиноятчилар карри зираворига ўхшаш кукунсимон аралашмани эркакнинг кўзига пуркаб, унинг қўлидаги портфелни тортиб олишга уринган.

Жабрланувчи ходимларни танлаш бўйича компания президенти бўлган. Ўша куни у Йосикавага ходимларга маош тарқатиш учун келган ва сумкасида 7,8 миллион иенага (қарийб 53 минг доллар) яқин пул бўлган. Полициянинг ҳисоблашича, ҳужумни амалга оширганлар эркакнинг ҳаракат йўналиши ва сафар мақсадидан хабардор бўлган, чунки уларнинг бири олдин ушбу компанияда ишлаган.

Терговчиларнинг сўзларига кўра, ҳужумда анъанавий қуроллардан фойдаланилмаган. Бунинг ўрнига улар жабрланувчининг кўзига ўткир зираворни сепган. Аммо эркак қаршилик кўрсатган: у баланд овозда ёрдамга чақирган ва сумкасини қўйиб юбормаган. Натижада, ҳужум уюштирган шахслар қочиб кетиб, ҳодиса жойида яширинган.

Компания президенти эса кўз яллиғланиши билан шифохонага ётқизилган, шифокорлар унга жиддий зарар етмаганини билдирган. Полиция кузатув камераларини ўрганиб, тўрт нафар гумонланувчини қўлга олган. Уларга ҳужум ва ўғирлик содир этишга уриниш бўйича айбловлар эълон қилинган.

Мавзуга оид