Қўшимча функционаллар
-
Тунги кўриниш
АҚШ яқин 48 ичида Эроннинг эҳтимолий жавоб зарбасига тайёргарлик кўрмоқда — NBC News
Ҳужумлар Қўшма Штатларнинг ички ёки хориждаги объектларига уюштирилиши мумкин. АҚШнинг чет элдаги ҳарбий базалари бир неча ойдан бери юқори жанговар шай ҳолатда.
Фото: REUTERS
Доналд Трамп маъмурияти Эрон томонидан эҳтимолий қасос чораларига қарши тайёргарлик кўрмоқда. NBC News’нинг Пенгатон ва Оқ уйдаги манбаларига таяниб ёзишича, яқин 48 соат алоҳида хавотир уйғотмоқда.
Суҳбатдошларнинг таъкидлашича, Эрон ядро объектларига уюштирилган ҳужумга жавоб АҚШнинг ички ёки хориждаги объектларига қаратиладими, ё бўлмасам, ҳар иккисига ҳам — ҳозирча номаълум.
АҚШнинг чет элдаги ҳарбий базалари сўнгги бир неча ойдан бери юқори жанговар шай ҳолатда, аммо Оқ уйдаги манбанинг сўзларига кўра, 13 июн куни Исроил Эрон билан уруш бошлаганидан кейин эҳтимолий ҳужум хавотирлари сезиларли даражада ошган.
Эрон ядровий иншоотларига ҳужум 22 июнга ўтар кечаси амалга оширилди. Ғарб ОАВга кўра, АҚШ Ҳарбий-ҳаво кучлари зарба беришда B-2A Spirit бомбардимончисидан фойдаланган. Мамлакат президенти Доналд Трамп Эроннинг муҳим ядровий объектлари йўқ қилинганини маълум қилди.
Эрон АҚШнинг мамлакатдаги ядро объектларига уюштирган ҳужумларидан кейин БМТ Хавфсизлик Кенгашининг фавқулодда йиғилишини ўтказишга чақирди. Ўз навбатида БМТ бош котиби Антониу Гутерриш АҚШнинг Эронга қарши хатти-ҳаракатларидан чуқур хавотир билдирди.
Мавзуга оид
21:23
Қуролланишнинг янги даври бошланди. Ҳарбий бюджети энг катта давлатлар қайси?
18:43
Хитой Трампнинг таҳдидларидан кейин Россияни қўллаб-қувватлашни кучайтиришга ваъда берди
15:27
Кремл Трампнинг янги баёнотларини таҳлил қилиш учун вақт кераклигини қайд этди
15:16