Қўшимча функционаллар
-
Тунги кўриниш
АҚШ Иорданияга F-22 қирувчи самолётларини юборди
Исроил-Эрон можаросининг кескинлашуви ортидан АҚШ Яқин Шарқдаги ҳарбийлари сонини оширмоқда.

Фото: Getty Images
АҚШ ҳарбий-ҳаво кучлари Буюк Британияга аввалроқ етиб келган бешинчи авлод F-22 Raptor қирувчи самолётлари эскадронини Иорданиядаги Маваффика Салти авиабазасига кўчиришни бошлади. Бу ҳақда Itamilradar нашрига таяниб «Интерфакс» хабар берди.
Аввалроқ, АҚШ 12 та F-22 Raptor қирувчи самолётини Англиядаги Лейкенхит авиабазасига жўнатган эди. Улардан 8 таси 20 июн куни Иорданияга юборилди.
Самолётларнинг Иорданияга етиб боришини таъминлаш учун Американинг КС-135 ва КС-46 танкер-самолётларидан фойдаланилди.
АҚШ оммавий ахборот воситаларининг хабарларига кўра, Қўшма Штатлар аллақачон Яқин Шарққа бир неча қирувчи самолётлар эскадрилясини, жумладан бешинчи авлод F-35 қирувчиларининг катта гуруҳини жойлаштирган.
Самолётлар Саудия Арабистони ва Иорданиядаги базаларга жойлаштирилмоқда. Айни пайтда Саудия Арабистонининг Arab News газетаси Америка ҳарбий-ҳаво кучларининг барча самолётлари Қатардаги Ал-Удейд ҳаво базасини тарк этгани ҳақида хабар берди. Эрон жанубидаги Форс кўрфазида жойлашган Қатардаги Ал-Удейд ҳаво базаси Қўшма Штатларнинг минтақадаги энг йирик авиабазаси ҳисобланади.
У ерда камида 30 та ҳарбий самолёт, жумладан қирувчи самолётлар, разведка самолётлари ва дронлар, шунингдек, транспорт ва танкер самолётлари жойлаштирилган.
Мавзуга оид

21:13 / 09.07.2025
АҚШ армияси Patriot ракеталари харидини тўрт баравар оширди

18:49 / 09.07.2025
Американинг Lucid Air электромобили Гиннес рекордини ўрнатди

18:03 / 09.07.2025
АҚШ аэропортларида текширувдан ўтишда пойабзал ечиш талаби бекор қилинди

13:56 / 09.07.2025