Японияда бўлиб турган ўзбекистонликлар огоҳлантирилди

Япония — қонунларга қатъий амал қилинадиган, тартибли мамлакат.

Фото: Kun.uz

Миграция агентлиги хабарига кўра, баъзида айрим одамлар ноқонуний иш ёки хавфли таклифларга ундаши мумкин.

Шунинг учун қуйидаги ҳолатларга дуч келсангиз, алданманг ва рад этинг:

▪️«Маошингни солиқдан озод қиламиз» — бу ноқонуний;
▪️«Яширинча қўшимча ишлайлик» — иш визангиз бузилиши мумкин;
▪️«Кел, қимор ўйнаймиз» — бундай ўйинлар кўп ҳолларда ноқонуний ва жазоланади;
▪️«Бошқа ташкилотда ишлайвер, мен резидент картани ясатиб бераман» — ясама ID карталардан фойдаланманг;
▪️ «Бошқа одамнинг банк карталарини ишлатманг ва ўз банк картангизни сотманг» — банк карталари савдоси, катта жиноятларга қўшилиб қолишингизга сабаб бўлиши мумкин.

Хавфсизлигингиз ўз қўлингизда. Ҳар қандай ишни бошлашдан олдин расмий ҳужжатларингиз ва визангиз шартларини текширинг.

Гумонли таклифлар ҳақида маҳаллий идораларга ёки элчихонага мурожаат қилинг. Бу ҳақда кўпроқ маълумотни Япониянинг Иммиграция хизматлари агентлиги (ISA) сайтида олиш мумкин.

#Япония #Миграция агентлиги