Ўзбекистонда кейинги ҳафта жазирама иссиқ бўлади

Ўзгидромет 16–19 июн кунлари жазирама иссиқ бўлиши ҳақида огоҳлантирди. Ҳаво ҳарорати шу кунларда +40…+42 даражагача, жанубда ва чўл ҳудудларда +43, +44 даражагача кўтарилади.

Фото: Ўзгидромет

16–19 июн кунлари Ўзбекистон ҳудудига жанубдан жуда иссиқ ҳаво оқимлари кириб келиши кутилмоқда. Бу ҳақда «Ўзгидромет» директори Шерзодхўжа Ҳабибуллахўжа Facebook’да маълум қилди.

16–17 июн кунлари Қорақалпоғистон Республикаси, Хоразм вилоятида, 17–19 июн кунлари Ўзбекистоннинг қолган ҳудудларида ҳаво ҳарорати кундуз кунлари +40…+42 даражагача, жанубда ва чўл ҳудудларда баъзи жойларда +43, +44 даражагача кўтарилади.

Республика бўйича шамол тезлиги 13–18 метр/сониягача кучайиши, айрим жойларда чанг-тўзонлар билан кузатилиши кутилмоқда.

Аввалроқ «Ўзгидромет» 13 июндан бошлаб республика ҳудудига жанубдан қуруқ ва бироз иссиқ ҳаво кириб келиши бошланишини маълум қилганди.

#Ўзгидромет