Қўшимча функционаллар
-
Тунги кўриниш
Ўзбекистон ва Қирғизистон маҳкумларни алмашади
Энди икки давлат маҳбуслари жазонинг қолган қисмини ватанида ўташ имконига эга бўлади.
Фото: kaktus.media
Ўзбекистон ва Қирғизистон ўртасида озодликдан маҳрум этилган шахсларни жазони ўташни давом эттириш учун топшириш тўғрисидаги шартномани ратификация қилиш ҳақидаги қонун президент томонидан имзоланди. Энди икки давлат маҳбусларни ўзаро алмашиши мумкин.
Шартнома 2024 йил 18 июль куни Тошкентда Қирғизистон президенти Садир Жапаров ташрифи доирасида имзоланган эди.
Маҳбусларни алмашиш «Дўстлик/Достук» ўзбек-қирғиз чегара ўтказиш пункти орқали амалга оширилади. Шунингдек, шартномада харажатларни қоплаш, низоларни ҳал қилиш, расмий тиллар ва бошқа механизмлар белгиланган. Шартномага мувофиқ, Ўзбекистон ва Қирғизистон Бош прокуратуралари унинг ижроси учун масъул бўлган марказий орган ҳисобланади.
Бу саъй‑ҳаракатлар маҳбусларни ижтимоий реабилитация қилиш, оилалари билан алоқаларини сақлаш ва давлатлар ўртасидаги ҳамкорликни кучайтиришга қаратилгани таъкидланган.
Маълумотларга кўра, ҳозир Қирғизистонда 100 нафарга яқин ўзбекистонлик ва Ўзбекистонда 50 нафарга яқин қирғизистонлик маҳбус жазони ўтамоқда.
Мавзуга оид
20:14 / 03.07.2025
Қирғизистон аҳоли даромадларининг ўсиши бўйича Марказий Осиёда 1-ўринга чиқди. Ниманинг ҳисобига?
15:47 / 01.07.2025
Қирғизистон олийгоҳида мамлакатга умуман келмаган ўзбекистонлик талабалар аниқланди
15:31 / 01.07.2025
Қирғизистон Ўзбекистон томонидан берилган ер участкаларини расмийлаштиришни якунлади
14:45 / 27.06.2025