Қўшимча функционаллар
-
Тунги кўриниш
Аргентина собиқ президенти Кристина Киршнер 6 йиллик қамоққа ҳукм қилинди
72 ёшли Киршнер йўл қурилиши билан боғлиқ коррупция иши бўйича айбдор деб топилди.

Фото: AP
10 июнь куни Аргентина Олий суди мамлакатни 2007-2015 йилларда бошқарган Кристина Киршнерни коррупцияда айбдор деб топди. У 6 йиллик қамоқ жазосига ҳукм қилинди ва унга давлат лавозимларида ишлаш умрбод тақиқланди. Энди у сайловларда қатнаша олмайди.
Ҳозир озодликда бўлган Кристина Киршнер судга бориши ва 18 июнга қадар ҳибсга олиниши керак. Унинг адвокатлари 6 йиллик қамоқ жазосини Буэнос-Айресдаги уйида ўташини талаб қилмоқда. 70 ёшдан ошган барча маҳкумлар бундай ҳуқуққа эга. Кристина Киршнер ҳозир 72 ёшда.
Киршнер айбдор деб топилган «Автомобил йўли иши» 2008 йилда бир неча мухолифат депутатининг шикояти билан бошланган. Биринчи суд мажлиси 2019 йилда бўлиб ўтди, Кристина Киршнер ва яна 13 киши 2003 йилдан 2015 йилгача Аргентина жанубидаги Санта-Круз провинциясида йўллар қуриш орқали ноқонуний равишда бойиб кетганликда айбланди.
Тергов маълумотларига кўра, 2003 йилдан 2015 йилгача Санта-Круз провинциясида давлат томонидан молиялаштириладиган йўл қурилиши бўйича тендерларнинг 80 фоизини Austral Construcciones компанияси ютиб олган. У 50 дан ортиқ лойиҳаларни ўз зиммасига олди, уларнинг ярми бошланди ва чала ташлаб кетилди. Қурилиш вилоят бюджети ҳисобидан тўлиқ молиялаштирилган, бироқ назорат қилувчи органлар кўпинча ишнинг ярми ҳам тугалланмаганига эътибор бермаган. Austral Construcciones компаниясини Киршнер оиласи дўсти, бизнесмен Лазаро Баэс бошқарган.
Суд давомида Кристина Киршнер «Автомобил йўли иши» сиёсий эканини таъкидлади.
Олий суд ўз ҳукмини миллий парламентга сайлов кампанияси ўртасида чиқарди. Овоз бериш 2025 йил октябрь ойига режалаштирилган. Энди Кристина Киршнер ўзи режалаштирганидек, депутатликка номзодини қўя олмайди. Олий суд ҳукми эълон қилингандан сўнг, Кристина Киршнернинг минглаб тарафдорлари Аргентинанинг турли шаҳарлари кўчаларига чиқди.
Аргентинанинг амалдаги президенти, либертар Хавиер Милей айни дамда Исроилда бўлиб турибди. У Буэнос-Айресдан келган хабарни олқишлади ва адолат қарор топганини таъкидлади.
Тавсия этамиз
Урушга тайёр Жўланий, таксидаги Пизишкиён – ҳафта дайжести
Жаҳон | 12:00
Лёв ёки Кападзе. Миллий жамоа бошқарувида ўзгариш қилиш керакми?
Спорт | 11:30
Одамлар энг тез ва секин қарийдиган мамлакатлар аниқланди
Жаҳон | 21:57 / 17.07.2025
Жиноят оламида бунақаси кам учрайди: яширин устахона ва ғойиб бўлган 276 та машина
Жамият | 13:40 / 16.07.2025
Сўнгги янгиликлар
Мавзуга оид

10:00 / 13.07.2025
Тошкент пропискасининг очилиши, автотеррористларга чора ва порахўрлик “хит-паради” — ҳафта дайжести

19:23 / 12.07.2025
Май ҳам ўтди, қонундан эса дарак йўқ: давлат хизматчилари даромади қачондан декларацияланади?

11:04 / 12.07.2025
ССВ тизимида уч турдаги коррупцион жиноят кўп учраяпти

10:16 / 10.07.2025