“Дўстлар, биз бу кунга етдик, уддаладик!” – осон кечмаган мундиал йўли ҳақида катта суҳбат

Футбол бўйича Ўзбекистон миллий жамоаси ўз тарихида илк бор жаҳон чемпионатида ўйнайдиган бўлди. БААга қарши ўтган охирги ўйин таассуротлари, гуруҳдаги ҳолатдан келиб чиқиб танланган тактика, аэропортдан қайтган мухлислар, Шукуров “эффекти”, мундиалга чиқиш учун аввалги уринишлар, мураббийлар алмашишининг жамоа ўйинига таъсири ҳамда Шомуродовнинг миллий жамоадаги ўрни ҳақида миллий жамоа ҳимоячиси Рустам Ашурматов ва футбол шарҳловчиси Ҳасан Турдиалиев билан суҳбатлашдик.

{Yii::t(}

Ўтказиб юбориш 6s

Ўтказиб юбориш

БААга қарши ўйин якунидаги эйфорияни олдин ҳам ҳеч ҳис қилганмисиз?

– Йўқ, буни, бу эмоцияни сўз билан таърифлаб бўлмайди. Лекин сиз айтиб ўтгандек, бу нарсани олдин ҳис қилиб кўрмаганман. Тўғри, хурсандчиликлар бўлган, яхши кунлар бўлган, лекин ҳатто ўша Осиё чемпиони бўлганимизда ҳам, тўғри хурсанд бўлганмиз бошида, ҳатто ўша ўйинда гол ҳам уриш насиб этган эди, лекин барибир миллий жамоанинг ғалабаси бошқа бўлар экан. Ич-ичингиздан хурсанд бўласиз. Уни сўз билан таърифлаш, менимча, иложсиз.

Охирги ўйин борасида фикрларингиз қандай? БААга қарши шундай ўйин кутилганмиди?

Ҳа, ўйинимиз сифати ҳозир кутилган даражада эмас, лекин босим, ҳаммасига сабаб босим, деб Telegram-каналимда ҳам пост қолдирдим. Менимча, футболчилар ҳам босимни ҳис қилишган.

Рустам бу фикрга сиз нима дейсиз? Босим каттамиди?

Энди босим бўлмади, лекин ҳаяжон бор эди. Сабаби барибир катта ўйин, Ўзбекистон тарихидаги энг катта ўйинлардан бири десак ҳам бўлади. Шунинг учун босимдан кўра кўпроқ ҳаяжон ўйин бошида бўлди. Энди бу ҳар бир ўйиндан олдин бўлади, бу нормал ҳолат. Ўша 10-15 дақиқадан кейин бу ўзидан ўзи ўтиб кетади. Ўйинга тўлиқ кириб кетасиз. Энг муҳими, шу бошидаги 15 минутни яхши ўтказиб олиш, деб мураббийларимиз кўп айтишади. Ундан кейин футболчилар очилади, ҳамма ўзини-ўзи яхши ҳис қилиб бошлайди.

Ҳасан Турдиалиев:

Ўз тажрибамдан келиб чиқиб айтсам, иккинчи тайм бошидаги концентрация ҳам сал панд беради.Ҳар доим ўйин бошидаги биринчи тайм, иккинчи тайм аввали қийин бўлади. Лекин ўша иккита вақтдан ўтиб олсак, ростдан ҳам буёғига ўйин назоратини қўлга олишимизни тахмин қилгандик.

Ўша жонли эфир жараёнида ҳам гапирдик. Чунки футболчиларимизнинг сифатини яхши биламиз. Эрон билан бўлгани каби сифатли ўйин кўрмагандирмиз, лекин футболчиларимиз бундан кўпига қодирлигини билардик.

Рустам Ашурматов:

Энди бунга сабаб ҳам бор. Бизга кўпроқ ҳисоб муҳим эди. Бизни дуранг ҳам қониқтиргани учун, биз буни билган ҳолатда, вазиятдан келиб чиқиб ўйнадик.

Мисол учун, биз таваккал қилиб ҳужумга ҳам ўтишимиз мумкин эди, лекин бу барибир катта таваккал бўлар эди. Чунки олдинда жаҳон чемпионати йўлланмаси турибди. Аввало, орқадаги ҳимояни мустаҳкам қиламиз, олдинда имкониятимиз бўлса урамиз, деган мақсадда майдонга чиқдик.

Ҳасан Турдиалиев:

Кейин Бирлашган Араб Амирликлари жамоасининг ўзи ҳам жуда бир катта таваккал қилиб ҳужумга борди, деб ўйламайман. Улар ҳам қарши ҳужумга тайёр ҳолатда ўйнади. Улар ҳам таваккал қила олмасди, сабаби битта гол ўтказиб юборса бўлди, уларда ҳам ҳаммаси тугар эди. Ўзи ўйиндан олдинги тахминлар давомида ўзимни фикримни айтгандим. Рақиб олдинга боради, бизда қарши ҳужум учун имкониятлар бўлади, бўш ҳудудлар бўлса, Элдор, Аббос ёки Остон гол уради, деган фикр ўтганди. БАА ҳам қанақадир қўрқиб, сал эҳтиёткорлик билан ўйнагандай туюлди. Шунинг учун ростдан ҳам сал қийинроқ сценарий билан бошланди.

Интервюни тўлиқ шаклда Kun.uz’нинг YouTube каналида томоша қилинг.