Ўзбекистон | 14:00 / 04.06.2025
1037
1 дақиқада ўқилади

Ўзбекистон ва Покистон "Яшил макон" дастурлари доирасида ҳамкорлик қилади

Ўзбекистон элчиси Алишер Тўхтаев Покистон иқлим ўзгариши ва атроф-муҳит масалаларини мувофиқлаштириш федерал вазири Мусадик Масуд Малик билан учрашув ўтказди.

Фото: "Дунё" АА

Музокаралар чоғида иқлим ўзгариши, атроф-муҳитни муҳофаза қилиш ва қайта тиклаш, яшил энергетика, сув ресурсларини оқилона бошқариш, барқарор ривожланиш соҳаларидаги икки томонлама ҳамкорлик истиқболлари муҳокама қилинди.

Покистон вазири Ўзбекистон билан иқлим ўзгариши ва қайта тикланадиган энергетика соҳаларидаги олий таълим муассасалари ўртасидаги "биродар университетлар" алоқаларини ўрнатиш, Ўзбекистоннинг "Яшил макон" ва "Яшил Покистонни кенгайтириш" дастурлари доирасида ҳамкорликни кучайтириш, жамоатчиликни хабардор қилишга қаратилган қўшма тадбирлар ўтказиш ҳамда экологик шерикликни мустаҳкамлаш мақсадида икки томонлама ҳуқуқий базани яратишни таклиф қилди.

Учрашув якунида томонлар муҳокама қилинган барча йўналишлар бўйича амалий ишчи алоқаларни давом эттириш ва икки мамлакат манфаатларига хизмат қилувчи лойиҳалар устида фаол ишлашга келишиб олди.

Мавзуга оид