Қўшимча функционаллар
-
Тунги кўриниш
Самарқанддаги ўрмонда 50 мингдан ортиқ бута ва дарахтлар ёниб кетди
Ёнғин оқибатида 7,4 гектар ер майдонидаги 116 туп жийда, беш туп тол ҳамда 49 580 туп юлғун буталари шикастланган. Табиатга етказилган зарар қарийб 1,9 млрд сўмни ташкил этган.

Фото: Экология вазирлиги
Самарқанд вилоятидаги Каттақўрғон давлат ўрмон хўжалиги ҳудудида бўлган 50 мингдан ортиқ бута ва дарахтлар ёнғин оқибатида шикастланди. Бу ҳақда Экология вазирлиги хабар берди.
Қайд этилишича, Самарқанд вилояти Экология, атроф-муҳитни муҳофаза қилиш ва иқлим ўзгариши бошқармасига Каттақўрғон давлат ўрмон хўжалиги ўрмон фонди ҳудудининг маълум қисми ёқиб юборилганлиги ҳақида мурожаат келиб тушган.

Ҳолат вилоят экология бошқармаси, туман ҳокимлиги, прокуратура ва масъуллар иштирокида жойига чиққан ҳолда ўрганилган. Натижада, ўрмон хўжалиги ҳудудининг 10,5 гектар майдонида ёнғин бўлгани ҳамда 7,4 гектар ер майдони ёнғиндан зарарлангани аниқланган.
Ушбу қонунбузарлик натижасида «Табиатни муҳофаза қилиш тўғрисида»ги қонуннинг 20-21-моддалари (атмосфера ҳавосидан фойдаланиш шартлари, жонли табиат объектларидан фойдаланиш шартлари), «Ўсимлик дунёсини муҳофаза қилиш ва ундан фойдаланиш тўғрисида»ги қонуннинг 37-моддаси (дарахтлар ва буталарни кесиш) ҳамда «Ўрмон тоғрисида»ги қонуннинг 57-моддаси (ўрмон тўғрисидаги қонунчиликни бузганлик учун жавобгарлик) талаблари бузилган.

Ўрганиш давомида ёнғин содир бўлган 10,5 гектар ер майдонидаги манзарали дарахтлар хатловдан ўтказилган. Натижада, 7,4 гектар ер майдонидаги 116 туп жийда, 5 туп тол ҳамда 49 580 туп юлғун буталари шикастлангани аниқланган. Табиатга жами 1 миллиард 884 миллион 675 минг сўм миқдорида зарар етказилган.
Ҳужжатлар ҳолатга қонуний баҳо бериш учун прокуратура органларига тақдим этилган.
Тавсия этамиз
Европа Иттифоқининг 18-санкциялар пакети Россияга қандай таъсир қилади?
Жаҳон | 23:12 / 21.07.2025
Уй сотиб олишда алданиб қолмаслик учун нималарга эътибор қилиш керак?
Кўчмас мулк | 16:30 / 21.07.2025
Супер-контрактни бўлиб-бўлиб тўлаш мумкинми?
Таълим | 11:29 / 21.07.2025
Давлат ОТМга қабул квоталари тасдиқланди
Таълим | 11:09 / 21.07.2025
Сўнгги янгиликлар
-
Британияда депрессияга чалинган одамларга футболга бориш тавсия этилди
Спорт | 23:20 / 22.07.2025
-
АҚШ Трампнинг янги муддати давомида Украинага биринчи ҳарбий ёрдам шартномасини эълон қилди
Жаҳон | 23:01 / 22.07.2025
-
Ўзбек-қозоқ чегарасидаги туннел, ижтимоий объектлар геопортали ва Жиззахга ташриф – маҳаллий дайжест
Ўзбекистон | 22:54 / 22.07.2025
-
Эрон давлат ходимларининг iPhone’лари Исроил билан уруш олдидан киберҳужумга учради – ОАВ
Жаҳон | 22:18 / 22.07.2025
Мавзуга оид

09:26 / 21.07.2025
Чилонзорда автомобил ёниб кетиши оқибатида 4 киши куйиш жароҳати олди

19:57 / 20.07.2025
Индонезияда бортида 280 киши бўлган паром ёниб кетди (видео)

15:32 / 20.07.2025
Тошкентда 64-сонли автобус ёниб кетди

11:02 / 19.07.2025