Зўравонлик содир этишга мойил бўлган педагог ходимлар рўйхати шакллантирилади

Ўзбекистонда ҳар йили “25 ноябрь — Халқаро аёлларга нисбатан зўравонликка барҳам бериш куни” муносабати билан ҳафталик ўтказилади.

Иллюстратив фото

Инсон ҳуқуқлари бўйича Ўзбекистоннинг 2030 йилгача бўлган миллий стратегиясини амалга ошириш бўйича “йўл харитаси”га кўра, ҳудудлардаги ички ишлар бўлими билан ҳамкорликда зўравонлик содир этган ёки содир этишга мойил бўлган педагог ходимлар, талаба-ўқувчиларни аниқлаш, рўйхатини шакллантириш режалаштирилган.

Аёлларга нисбатан зўравонликка барҳам бериш бўйича таълим муассасаларида, маҳаллаларда ва бошқа ташкилотларда турли маърифий тадбирлар ўтказилади.

Қайд этилишича, аёлларга нисбатан зўравонликнинг олдини олишга қаратилган амалий ва маърифий тадбирлар ўтказиш орқали уларнинг ҳуқуқларини ҳимоя қилиш янада яхшиланади.

Ҳуқуқни муҳофаза қилувчи органлар мансабдор шахслари хатти-ҳаракатларининг асосий тамойилларини, шу жумладан ҳуқуқни муҳофаза қилувчи органлар ходимларини куч ва ўқотар қуролларни ишлатишнинг муқобил чораларини, можароларни тинч йўл билан ҳал қилишни, шунингдек тинч йиғилишлар давомида жамоат тартибини таъминлашда куч ва ўқотар қуроллар ишлатилишини чеклаш мақсадида техник воситалардан фойдаланишни ўргатиш стандартларини ўз ичига олган ҳолда ўқув тренинглар ўтказиш кўзда тутилган.

Бунда, соҳанинг ўзига хослигини инобатга олган ҳолда ўқув модули ишлаб чиқилади ва тасдиқланади. Ўқув тренинглари ташкил этилади.

#педагог #зўравонлик