Қўшимча функционаллар
-
Тунги кўриниш
“120 тезликда тормоз ишламай қолди” – Наманганда икки ўқувчи ижарага олинган Spark’да ЙТҲга учради
Янги Наманган туманида машина бошқариб ЙТҲга учраган мактаб ўқувчилари жароҳат олиб, шифохонага ётқизилди. Улар машинани 1 млн сўм эвазига 8 соатга ижарага олишгани маълум бўлди. Болалар автомобилни катта тезликда бошқариб бориб, йўл четидаги бетон тўсиққа урилган.

Фото: Видеодан кадр
Янги Наманган туманида ўқувчилар иштирокида ЙТҲ содир бўлди. Бу ҳақда вилоят ЙҲХБ ахборот хизмати хабар берди.
Маълум қилинишича, ЙТҲ 15 апрел куни содир бўлган. Янги Наманган туманидаги 70-умумтаълим мактабининг 2 нафар 8-синф ўқувчиси Telegram’даги гуруҳдан Spark машинасини 8 соатга ижарага олишган. Бунинг эвазига машина эгасига 1 млн сўм беришган.
Ўқувчилар машинани катта тезликдан бошқариб кетаётиб йўл четидаги бетон тўсиққа бориб урилган. ЙТҲ оқибатида улар турли тан жароҳатлари олиб шифохонага ётқизилган.
“Энг ачинарлиси, ушбу болалар таҳсил оладиган мактабда вилоят ЙҲХБ томонидан муҳокама йиғилиши ўтказилган эди. Айнан шу болалар вояга етмаган ҳолда автомашина бошқаргани учун уларнинг ота-оналари, устозлари, масъуллар огоҳликка чақирилганди. Боланинг тегишли хулоса чиқармагани уни ҳалокатга етаклади”, дейилади хабарда.
Қайд этилишича, болаларга машинани ижарага берган шахснинг ўзи ҳали ҳайдовчилик гувоҳномасига эга бўлмаган. У машинани 12 апрел куни Тошкент шаҳрида яшовчи фуқародан сотиб олгани аниқланган. Spark эгаси қилган ишидан пушаймонлигини айтиб, қайтиб бу хатони такрорламаслигини билдирган.
“120 тезликда тормозим ишламай қолди. 1 млн сўмни дадамнинг ишхонасидан олдим. Дадамнинг бундан хабари бўлмади”, деган ЙТҲ пайтида машина бошқарувида бўлган ўқувчи.
Боланинг отаси Наманганда кўплаб ота-оналар фарзандлари ижарага олинган машинада ЙТҲга учраши ортидан азият чекаётганини айтиб, машинасини вояга етмаганларга ижарага бераётган “тадбиркор”ларни пул учун виждонини сотмасликка чақирган.
Kun.uz олдинроқ Наманганда машинани ноқонуний ижарага бериш “бизнес”га айланаётгани ва бунинг оқибатида болалар ҳалок бўлаётгани ҳақида хабар берганди.
Тавсия этамиз
Германияга ишга юбориш билан боғлиқ фирибгарлик ҳолати аниқланди
Жамият | 15:33 / 23.07.2025
Ўзбекистонда iPhone нархлари қимматлашди. Нега?
Иқтисодиёт | 21:38 / 22.07.2025
Тошкентда беморга шилқимлик қилган шифокор 5 суткага қамалди
Жамият | 15:28 / 22.07.2025
Таркибида кучли таъсир қилувчи моддалар бўлган оздирувчи қаҳвалар савдосига чек қўйилди
Жамият | 09:27 / 22.07.2025
Сўнгги янгиликлар
-
Свет ўчмаган кун йўқ: Тошкент электрсиз қийналмоқда
Ўзбекистон | 23:59 / 25.07.2025
-
Қўриқхонада давом этаётган ёнғин, «Ишдаги ишқ» можароси, Навоийни заҳарлаётган корхоналар – маҳаллий дайжест
Ўзбекистон | 23:53 / 25.07.2025
-
Давлат олийгоҳлари учун квоталар тасдиқланди
Ўзбекистон | 23:49 / 25.07.2025
-
Ўзбекистонда пенсия миқдори қандай ҳисобланади? – муҳим саволларга жавоблар
Ўзбекистон | 23:34 / 25.07.2025
Мавзуга оид

11:58 / 24.07.2025
Фарғонада автомобил дарахтга урилиши оқибатида йўловчи ҳалок бўлди

16:19 / 23.07.2025
Наманганда сигир ёш болани сузиб, ўлдириб қўйишига сал қолди

13:20 / 23.07.2025
Оҳангаронда юк машинаси ЙТҲ жойида ишлаётган инспекторлар машинасини уриб юборди

18:33 / 22.07.2025