Қўшимча функционаллар
-
Тунги кўриниш
Роналду ноёб кўрсаткичга эришди
Роналду кетма-кет 22 йил терма жамоа сафида гол урган биринчи футболчига айланди.
Фото: Stringer/Reuters
Португалиялик футболчи Криштиану Роналду миллий терма жамоа сафида кетма-кет 22 йил гол урган тарихдаги биринчи футболчига айланди.
23 март куни Роналду Дания терма жамоасига қарши Миллатлар лигасининг чорак финал учрашувида гол урди. Учрашув 5:2 ҳисобида Португалия фойдасига ҳал бўлди. Бу португалияликларга турнирнинг ярим финалига чиқиш имконини берди. Миллатлар лигаси ярим финалида Франция, Германия ва Испания терма жамоалари ҳам тўп суради.
Роналду фаолиятидаги 929-голини, Португалия терма жамоаси сафидаги 136-голини киритди.
2023 йилнинг январида Роналду оиласи билан Саудия Арабистонига кўчиб ўтди ва «Ал-Наср» ҳужумчисига айланди. Мамлакатда эркак ва аёлнинг никоҳсиз бир уйда яшаши тақиқланганига қарамай, афсонавий футболчига фарзандларининг онаси Жоржина Родригес билан бирга яшашга рухсат берилди.
Футболчининг жамоа билан амалдаги шартномаси 2024-25 йилги мавсум охиригача амал қилади. Аввалроқ ОАВ томонлар меҳнат шартномасини узайтиришга келишиб олгани ҳақида хабар берган эди. Янги шартнома шартларига кўра, Роналду клубнинг 5 фоизлик улушига эга бўлади.
Мавзуга оид
15:28 / 30.01.2025
Роналду: «Ўғлимга Мбаппе ёқади, у «Дада, Килиан сиздан яхшироқ» деди. Мен эса «Ким кўпроқ гол урган?» деб сўрадим»
11:06 / 14.12.2024
Ҳусанов трансфер баҳоси бўйича Роналду билан тенглашди
20:39 / 12.10.2024
Португалия парламенти сиёсий бошпана олувчилар учун гуманитар виза беришни маъқуллади
15:30 / 12.10.2024