Намибиялик аёл ўзига ҳужум қилган тимсоҳнинг жағларини очиб, қочиб кетди

Намибияда аёл кишига тимсоҳ ҳужум қилди, бироқ у тимсоҳнинг жағларини очиб, ундан халос бўлишга ва қочишга муваффақ бўлди. Бу ҳақда The Namibian хабар бермоқда.

Ҳодиса 18 март куни Ғарбий Каванго ҳудудида содир бўлган. Мукекете қишлоғида яшовчи 28 ёшли фуқаро сув олиш учун дарёга борган. У сув йиғаётганида дарёдан тимсоҳ сакраб чиқиб, унинг сонини тишлаган.

Аёл судралиб юрувчининг оғзидан ушлаб, жағларини очишни бошлаган. У озод бўлишга ва қишлоққа қайтишга муваффақ бўлди. У ердан жабрланувчи шифохонага етказилган. У сон ва икки қўлидан жароҳат олган. Ҳозирда унинг ҳаёти хавф остида эмас.

Аввалроқ Ҳиндистонда тимсоҳ ҳиндлар томонидан ишлатиладиган махсус иншоот - дарё гхатида чўмилаётган одамга ҳужум қилган эди. Судралиб юрувчи унинг оёқларидан тишлаб олган, лекин эркак ўзини йўқотмаган ва йиртқичга қаршилик кўрсатган. У бармоқларини тимсоҳнинг кўзларига босишга мажбур бўлган, шунда ҳайвон бироз бўшашган ва эркак қочган. Ҳозирда жабрланувчи маҳаллий тиббиёт марказида даволанмоқда. Тимсоҳ билан жангда омон қолишга муваффақ бўлгач, у бир зумда машҳур бўлди ва ўз тажрибасини журналистлар билан баҳам кўра бошлади.