Қўшимча функционаллар
-
Тунги кўриниш
Сирдарё вилояти ИИБ бошлиғи тайинланди
ИИВ академиясининг магистратура босқичи тингловчиси подполковник Фаррух Ҳайдаров Сирдарё вилояти ИИБ бошлиғи бўлди.
Фото: ИИВ
Сирдарё вилоятида ички ишлар вазири иштирокида халқ депутатлари вилоят кенгашининг навбатдан ташқари сессияси бўлиб ўтди.
Сессия кун тартибига мувофиқ ташкилий масала кўрилди. Ички ишлар вазирининг буйруғи билан Ички ишлар вазирлиги академиясининг магистратура босқичи тингловчиси подполковник Фаррух Ҳайдаров Сирдарё вилояти Ички ишлар бошқармаси бошлиғи лавозимига тайинланди.
Мажлисда вилоят ҳудудида содир этилаётган жиноятларнинг таҳлилидан келиб чиқиб, криминоген вазиятни янада барқарорлаштириш мақсадида ҳар бир туман-шаҳар ИИБ бошлиқлари томонидан маҳаллаларни жиноятчиликдан ҳоли ҳудудларга айлантириш, аҳолини рози қилиш, уларнинг мурожаатларини ечимига эътибор қаратиш, мавжуд муаммоларни аниқлаш ва уларни бартараф этиш бўйича аниқ топшириқлар берилди.
Бундан олдин ички ишлар вазири иштирокида халқ депутатлари Андижон вилояти кенгашининг навбатдан ташқари сессияси ташкил этилганди.
Сессияда ички ишлар вазирининг буйруғига асосан Сирдарё вилояти Ички ишлар бошқармаси бошлиғи сифатида фаолият кўрсатган полковник Санжар Жабборов Андижон вилояти Ички ишлар бошқармаси бошлиғи лавозимига тайинланди.
Санжар Жабборов 2022 йилдан бери Сирдарё ИИБ бошлиғи лавозимида ишлаб келаётганди.
