Қўшимча функционаллар
-
Тунги кўриниш
АҚШ Сенати қисқа муддатли бюджетни тасдиқлаш орқали шатдаунга йўл қўймади
АҚШ Сенати ҳукуматга сентябр ойи охиригача шатдаунга йўл қўймаслик имконини берувчи қисқа муддатли харажатлар тўғрисидаги қонун лойиҳасини маъқуллади. Уни 10 нафар демократ сенатор қўллаб-қувватлади. Мамлакат мудофаа харажатларини оширади.
Фото: REUTERS
АҚШ Сенати 14 март, жума куни мамлакат ҳукуматига шатдаунга имкон бермайдиган олти ойлик харажатлар тўғрисидаги қонун лойиҳасини қабул қилди. Лойиҳа зарур бўлган 60 та ўрнига 62 та овоз олди. Хусусан, уни Республикачилар партиясидан 53 сенатордан 52 нафари, Демократик партиядан эса 10 нафари қўллаб-қувватлади. Конгресс томонидан маъқуллангандан сўнг, ҳужжат АҚШ президенти Доналд Трамп томонидан имзоланиши керак.
Янги бюджет таклифи мудофаа харажатларини бироз оширишни ва мудофаа билан боғлиқ бўлмаган бир қатор ҳукумат дастурлари учун харажатларни тахминан 13 миллиард долларга қисқартиришни ўз ичига олади.
Овоз бериш демократ сенаторлар орасида келишмовчиликни келтириб чиқарди
Демократ озчилик етакчиси Чак Шумер давлат идораларини ёпиш ва уларни молиялашдан қочиш учун қисқа муддатли харажатлар тўғрисидаги қонун лойиҳасини қўллаб-қувватлашга қарор қилди. Унинг сўзларига кўра, шатдауннинг бошланиши республикачилар томонидан таклиф қилинган бюджетни қабул қилишдан кўра ёмонроқ бўлади.
Шунга қарамай, демократ сенаторларнинг катта қисми олти ойлик бюджетни тасдиқлашга қарши овоз берди.
АҚШ Вакиллари палатасининг Демократик партиядан аъзоси Александрия Окасио-Кортес шу куни кечқурун Сенатдаги овоз бериш бутун партияда «чуқур ғазаб ҳисси» қолдирганини айтди. У содир бўлган воқеани «катта шапалоқ» деб атади.
Мавзуга оид
15:03
АҚШ Европага Путин билан музокаралар боши берк кўчага кириб қолганини маълум қилди
14:41
Ғазода отишмалар остида тарқатилаётган таом, АҚШ ҳарбий учоғини қулатган ҳусийчилар ва «келажак шаҳри»ни тортолмаётган Саудия — кун дайжести
13:00
Сенат Ўзбекистонда электрон сигареталарни тақиқлаш ҳақидаги қонунни маъқуллади
09:33