Жиззахда Kia дилерлик конференцияси: янги моделнинг CKD-ишлаб чиқарилиши ва 2025 йил учун стратегик режа

Конференция 2024 йил якунлари таҳлили билан бошланди. Ўзбекистон бозорида Кiа сотувининг ўсиши ва моделлар қаторининг сезиларли даражада кенгайиши қайд этилди. Муваффақиятнинг асосий омиллари қаторида қуйидагилар қайд этилди: ADM Jizzakh автомобил заводида ишлаб чиқарилган Кiа брендининг мутлақо янги биринчи модели – Sonet’нинг ишга туширилиши, шунингдек, самарали маркетинг кампаниялари, хизмат кўрсатишнинг яхшиланиши ва мижозларнинг юқори даражадаги қониқиши.

Kia Uzbekistan раҳбарияти дилерлик тармоғини кенгайтириш, инновацион хизматларни жорий этиш ва Ўзбекистон автомобил бозорида бренд мавқеини кучайтиришни ўз ичига олган 2025 йилга мўлжалланган стратегик режасини тақдим этди. Мижозларга қулайлик яратишга қаратилган рақамли ечимлар, жумладан, онлайн брон қилиш ва босқичма-босқич онлайн сотувга ўтиш масалаларига алоҳида эътибор қаратилди.

Кiа автомобилларини харидорларнинг кенг оммасига тақдим этиш мақсадида, Ўзбекистоннинг турли шаҳарларида янги марказларни очишдан ташқари дилерлик конференциясида 2025 йилда Ўзбекистонда Кiа брендини ривожлантиришнинг қуйидаги асосий жиҳатларига алоҳида эътибор қаратилди:

• содиқликни ошириш ва бренд атрофида қулай муҳит яратишга қаратилган маркетинг тадбирлари, шунингдек, мижозлар ва уларнинг оилалари учун тадбирлар;

• мамлакатимиз автомобил бозорида юқори сифат ва хавфсизлик стандартларига жавоб берадиган янги ва замонавий моделларни йўлга қўйиш;

• дилерлар ишини оптималлаштириш – тадбир иштирокчилари хизмат кўрсатиш сифати, сотув самарадорлиги ва мижозлар билан ўзаро муносабатларни яхшилаш усулларини муҳокама қилди.

Тадбирда Кiа расмий дилерлик марказлари вакилларига 2025 йилда Sonet билан биргаликда ADM Jizzakh CKD заводида йиғилиши режалаштирилган янги модел намойиш этилди. Шунингдек, уларга завод бўйлаб экскурсия ўтказилиб, унда кичик узелли йиғиш (CKD) бўйича бутун жараён таништирилди.

Жиззахдаги Кiа дилерлик конференцияси Ўзбекистон автомобил бозорининг асосий тенденцияларини муҳокама қилиш, ҳамкорлик алоқаларини мустаҳкамлаш ва янги улкан мақсадларни шакллантириш учун муҳим бўлган майдонга айланди. Кiа расмий дилерлари ва ADM Global компаниялар гуруҳининг биргаликдаги саъй-ҳаракатлари туфайли бренд мижозларга инновацион ечимлар ва юқори даражадаги сервис кўрсатиш орқали ўз мавқеини мустаҳкамлашда давом этмоқда.

Ўзбекистонда Кiа автомобил бренди расмий дистрибютори бўлган АDM Global компаниялар гуруҳи томонидан тақдим этилган Кiа автомобилларининг хусусиятлари, мавжуд комплектациялар ва нархлари билан kia.uz сайтида танишиш мумкин.

Телефон : (+998) 55−500−83−33.

Сайт | Facebook | Instagram | Telegram | YouTube

Реклама ҳуқуқи асосида