Трамп Зеленский 28 феврал куни Вашингтонга келишини маълум қилди

Ташриф давомида табиий ресурслар бўйича битим имзоланади. Ўз навбатида АҚШ президенти битимни тузишга ҳисса қўшган молия ва савдо вазирларига миннатдорчилик билдирди.

Фото: AP

АҚШ президенти Доналд Трамп Украина президенти Володимир Зеленский 28 феврал куни Вашингтонга ташриф буюришини маълум қилди. Бу ҳақда у Вазирлар маҳкамасининг биринчи йиғилишини очиб бериш вақтида таъкидлаб ўтди.

«Россия ва Украина билан ишларимиз жуда яхши кетмоқда. Президент Зеленский жума куни келади. Ва биз жуда катта битимни имзолаймиз. Мен Говард [савдо вазири] ва Скоттга [молия вазири] барчасини бир жойга тўплаб, қилган ишлари учун миннатдорчилик билдирмоқчиман. Сизлар ростдан ҳам ажойиб ишни амалга оширдингиз. Бу минерал ва бошқа материалларга тегишли», — дейди Трамп.

Унинг қўшимча қилишича, АҚШ Киевга кўрсатган ёрдами учун «келажакда кўп пул» оладиган «битимни тузишга муваффақ бўлган. «Барчаси йўлга қўйилди. Биз мамнунмиз», — дейди Трамп.

Аввалроқ Украина президенти АҚШ билан мамлакатдаги табиий ресурсларни ўзлаштириш бўйича келишувга эришилганини тасдиқлаганди. Зеленскийнинг сўзларига кўра, у Америка томони билан музокараларда кўтарган асосий саволлар битим матнида тўғри акс эттирилган.

АҚШ ва Украинанинг табиий ресурсларга боғлиқ битими матнида, шунингдек, хавфсизлик кафолатлари ҳақида ҳам сўз боради: «АҚШ ҳукумати Украинанинг тинчлик ўрнатиш учун зарур бўлган хавфсизлик кафолатларини олишга бўлган саъй-ҳаракатларини қўллаб-қувватлайди».

#Доналд Трамп #Володимир Зеленский