Ўзбекистон 154 та мамлакат билан савдо алоқаларини амалга оширди

2025 йилнинг январ ойида Ўзбекистон жаҳоннинг 154 та мамлакати билан савдо алоқаларини амалга ошириб, ташқи савдо айланмаси ҳажмини 4,5 млрд АҚШ долларига етказган.

Статистика агентлиги дастлабки маълумотларига кўра, ташқи савдо айланмаси ҳажми 2024 йилнинг мос даври билан солиштирилганда 297,2 млрд АҚШ долларига ёки 7,5 фоизга ошган.

Ташқи савдо айланмасининг нисбатан салмоқли ҳиссаси Хитой (22,1 фоиз), Россия (17,7 фоиз), Қозоғистон (7 фоиз), Туркия (4,7 фоиз) ва Корея Республикасида (3,8 фоиз) қайд этилган.

Ташқи савдо айланмасида экспорт 1,3 млрд долларни, импорт 3,2 млрд долларни ташкил қилди.

#статистика #савдо