Касаба уюшмалари филиалларини рўйхатдан ўтказиш тартиби тасдиқланди

Вазирлар Маҳкамаси қарори билан Юридик шахс мақомига эга бўлмаган касаба уюшмаларининг бўлинмаларини ва бошланғич касаба уюшмалари ташкилотларини ҳисобга қўйиш тартиби тўғрисидаги низом тасдиқланди.

Низом қуйидагиларни назарда тутади:

юридик шахс мақомига эга бўлмаган касаба уюшмалари филиаллари ва бошланғич касаба уюшма ташкилотларини ҳисобга олишда инсон омилини чеклаш;
юридик шахс мақомига эга бўлмаган касаба уюшмалари филиаллари ва бошланғич касаба уюшма ташкилотларини рўйхатдан ўтказишда QR-кодли маълумотномалар бериш;
касаба уюшмалари филиаллари ва бошланғич касаба уюшма ташкилотлари реестрини юритиш.

Ҳужжатга кўра филиал ва бошланғич ташкилотни рўйхатдан ўтказиш бўйича давлат хизматлари марказлари, нодавлат нотижорат ташкилотларининг электрон платформаси ва ЯИДХП орқали кўрсатилади.

Филиал ёки бошланғич ташкилотни рўйхатдан ўтказиш учун тўлов ундирилмайди.

Филиал ёки бошланғич ташкилотни рўйхатдан ўтказиш тўғрисидаги сўров рўйхатдан ўтказувчи органга келиб тушган кундан бошлаб 10 иш куни ичида кўриб чиқилиши керак.

Сўровни кўриб чиқиш натижаларига кўра рўйхатдан ўтказувчи орган рўйхатдан ўтказиш ёки рад этиш тўғрисида қарор қабул қилади.

Рўйхатдан ўтказувчи орган рўйхатдан ўтказилган филиаллар ва бошланғич ташкилотлар реестрини юритади.

#уюшма #касаба