Кун сўрови: Ўзбекистонда истеъмолчилар ҳуқуқларини қайси ташкилотлар ҳимоя қилади?

Kun.uz мухбири пойтахтда кичик сўровнома ўтказди ва унда аҳолидан истеъмолчилар ҳуқуқларини қайси ташкилотлар ҳимоя қилиши ҳақида сўради. 

{Yii::t(}

Ўтказиб юбориш 6s

Ўтказиб юбориш

Сўровнома иштирокчиларининг аксарияти Ўзбекистонда истеъмолчилар ҳуқуқларини қайси ташкилотлар ҳимоя қилишини билмаслигини айтган бўлса, фақат айрим респондентларгина бундай ваколатга Истеъмолчилар ҳуқуқларини ҳимоя қилиш агентлиги (собиқ), Қурилиш ва уй-жой коммунал хўжалиги вазирлиги эга эканлигини таъкидлади.

Маълумот учун, Ўзбекистон қонунчилигига кўра бир қатор ташкилотлар тегишли соҳалар бўйича истеъмолчилар ҳуқуқларини ҳимоя қилади. Хусусан, Рақобатни ривожлантириш ва истеъмолчилар ҳуқуқларини ҳимоя қилиш қўмитаси монополияга ва ноҳалол рақобатга қарши курашиш, истеъмолчилар ҳуқуқларини ҳимоя қилиш, реклама бозорини тартибга солиш каби соҳаларда ваколатли орган ҳисобланади.

Истеъмолчилар ҳуқуқларини ҳимоя қилишда Соғлиқни сақлаш вазирлиги, Қурилиш вазирлиги, Экология вазирлиги ва Тенхик жиҳатдан тартибга солиш агентликлари ҳам иштирок этади.

“Истеъмолчилар ҳуқуқларини ҳимоя қилиш тўғрисида”ги қонуннинг 29-моддасида истеъмолчининг ҳуқуқлари бузилган тақдирда, у судга мурожаат қилишга ҳақли экани белгиланган. Даъволар истеъмолчи жойлашган ердаги ёки зарар етказилган жойдаги судга тақдим этилади.

Гавҳар Зиёдуллаева тайёрлади