Конгода mpox’га чалинган 100 дан ортиқ бемор даволаш марказларидан қочиб кетди

Конго Демократик Республикасида mpox вируси (маймунчечак) билан касалланган 100 дан ортиқ бемор даволаш марказларидан қочиб кетди.

«128 нафар бемор карантин марказларидан қочиб кетди, уларнинг [марказнинг] айримлари талаб кетилган», — дейилади мамлакат Соғлиқни сақлаш вазирлиги ҳисоботида.

Идора Шимолий Киву провинциясида М23 гуруҳи исёнчилари ҳужуми туфайли қатор муаммолар, жумладан, дори-дармон таъминотидаги узилишлар, сув ва электр энергияси етишмаслиги кузатилаётганини маълум қилди.

Конго Демократик Республикасида (КДР) бир ҳафтда ичида mpox’га чалинганликда гумон қилинганлар сони 2707 кишига етган, жумладан, уларнинг 516 таси касаллик тасдиқланган ва 38 киши вафот этган.

Эпидемия бошланганидан бери КДРда 70 мингдан ортиқ одамда mpox қайд этилган ва 1407 киши вирус қурбонига айланган.

Декабр ойида Германияда mpox вируси хавфли Ib варианти билан касалланишнинг бир неча ҳолатлари аниқлангани тўғрисида хабар берилганди. Шимолий Рейн-Вестфалия федерал ерининг Рёсрат шаҳридаги мактаблардан бири икки нафар ўқувчининг касаллиги туфайли карантинга ёпилган, ундаги қолган мактаб ўқувчилари масофавий таълимга ўтказилган.

Январ ойида эса Озарбойжонда биринчи марта mpox вируси билан касалланиш ҳолати қайд этилган эди. Вирус туристик сафар билан чет элда бўлиб қайтган 22 ёшли фуқарода аниқланган. У шифохонага ётқизилган, оила аъзолари ҳам назорат остига олинган.