Шаҳрисабз кўчасида Ford Mustang, Tracker-2 ва Onix тўқнашди

ЙТҲ оқибатида Tracker-2 автомашинаси ҳайдовчиси ва йўловчиси тан жароҳати олгани сабабли шифокорлар томонидан биринчи тез тиббий ёрдам кўрсатилган.

Фото: Ижтимоий тармоқлар

2025 йилнинг 27 январ куни тахминан соат 01:20 ларда Миробод тумани Шаҳрисабз кўчаси Comfort Elit дўкони қаршисида йўл-транспорт ҳодисаси юз берди.

Тошкент шаҳар ИИББ ЙҲХБ хабарига кўра, 2001 йилда туғилган И.А. бошқарувидаги Ford Mustang русумли транспорт воситаси, 2003 йилда туғилган Х.Т. бошқарувидаги Tracker-2 русумли транспорт воситаси, 2005 йилда туғилган А.С. бошқарувидаги Onix русумли автомашиналари ўзаро тўқнашуви натижасида йўл-транспорт ҳодисаси содир бўлган.

ЙТҲ оқибатида Tracker-2 автомашинаси йўловчиси, 2008 туғилган М.Э. ҳамда ҳайдовчиси тан жароҳати олганлиги сабабли шифокорлар томонидан биринчи тез тиббий ёрдам кўрсатилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

#ЙТҲ #Миробод