Озарбойжон Россия фуқароларининг мамлакатда бўлиш қоидаларини кучайтирди

Энди россияликлар Озарбойжонда бир календар йили давомида 90 кундан ортиқ бўла олмайди. Аввалроқ, Россия ҳам чет элликларга нисбатан худди шундай қоидани жорий қилган эди.

Фото: ТАСС

Озарбойжон ҳукумати 2025 йил 1 январдан бошлаб Россия фуқароларининг Озарбойжон Республикаси ҳудудида вақтинча бўлиш шартларига ўзгартиришлар киритди. Бу ҳақда Interfax хабар берди.

Қарорга кўра, Россия Федерацияси фуқаролари ва Россия Федерациясида доимий яшовчи фуқаролиги бўлмаган шахслар Озарбойжон Республикасига визасиз асосда келган ҳолда, бир календар йили давомида 90 кундан ортиқ бўла олмайди. Қарорни бош вазир Али Асадов имзолади.

Шу йил август ойида Россияда ҳам чет эл фуқаролари учун худди шундай чоралар қабул қилинган эди.

Озарбойжон Ташқи ишлар вазирлиги баёнотига кўра, янги қоидалар Россиянинг худди шу мазмундаги қарорига жавобан қабул қилинган.

#Россия #миграция #Озарбойжон

25 декабр тонгида Бокудан Грознийга учган самолёт йўналишини ўзгартириб, Қозоғистоннинг Оқтов шаҳри аэропорти яқинида авариявий қўнишни амалга оширди. Авиаҳалокатда 38 киши ҳалок бўлди.