Қорақалпоғистонда энергия ресурсларидан ноқонуний фойдаланиш ҳолатлари фош этилди
Қорақалпоғистон Республикасида энергия ресурсларидан ноқонуний фойдаланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Фото: Иқтисодий жиноятларга қарши курашиш департаменти
Беруний туманида “Т.Ч.” фермер хўжалиги масъул шахслари тижорат мақсадида ўзбошимчалик билан электр энергияси тармоғига уланган. Оқибатда жами 288,2 млн сўмлик электр энергиясидан ноқонуний фойдаланилган.
Шунингдек, департаментнинг Хўжайли ва Элликқалъа тумани бўлимлари томонидан ўтказилган терговга қадар текширувларда “Н.Ж.” оилавий корхонаси ва “Д.С.” МЧЖ масъул шахслари тижорат мақсадида умумий фойдаланишдаги электр ва газ тармоқларига ўзбошимчалик билан улангани аниқланган. Натижада жами 210,5 млн сўмлик энергия ресурсларидан ноқонуний фойдаланилган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид

15:34 / 28.02.2025
Ўзбекистонда фанга номаълум 2 қўнғиз тури кашф қилинди

10:12 / 22.02.2025
Уч ҳудудда 530 млн сўмдан ортиқ энергия ресурсларидан ноқонуний фойдаланилди

15:24 / 17.02.2025
Ўзбекистонда "яшил" энергия улуши 10 фоизга оширилади

16:08 / 06.02.2025