Қатарда йўл ҳаракати қоидаларини қўпол тарзда бузган ҳайдовчининг автомобили йўқ қилинди
Қоидабузарнинг автомобили суд қарорига кўра мусодара этилиб, утилизация қилинди.

Фото: MOI_Qatar/X
Қатар давлатида йўл ҳаракати қоидаларини қўпол тарзда бузган ва бошқаларнинг ҳаёти ва мулкини хавф остига қўядиган тарзда турли манёврларни амалга оширган ҳайдовчи жаримага тортилди. Шунингдек, унинг автомобили йўқ қилинди, деб хабар берди Қатар Ички ишлар вазирлиги.
Идора намойиш этган видеолавҳаларда ҳайдовчи автомобилни дрифт қилгани, яъни йўлда хавфли тарзда сирпантиргани кўринади.
«Ҳайдовчи одамлар ҳаёти ҳамда давлат ва хусусий мулкка хавф туғдирувчи тарзда эҳтиётсизлик билан автомобилни бошқаргани учун ваколатли идоралар томонидан қўлга олинди. Қонуний чоралар кўрилди ва автомашинани мусодара қилиш тўғрисида суд қарори чиқарилди. Ички ишлар департаменти ҳаёт ва мулкни ҳимоя қилиш учун қонунлар ва қоидаларни амалга оширишга содиқлигини яна бир бор тасдиқлайди», дейилади хабарда.
Видеолавҳа якунида автомобил махсус техника ёрдамида утилизация қилингани кўринади.
The competent authorities apprehended a vehicle and its driver for reckless driving, which endangered lives and public and private property. Legal measures were taken, resulting in a judicial ruling to confiscate the vehicle. The Ministry of Interior affirms its commitment to… pic.twitter.com/cRm14Z6wSw
— Ministry of Interior - Qatar (@MOI_QatarEn) December 17, 2024
Хабарда ҳайдовчи қанча миқдорда жаримага тортилгани ҳақида маълумот берилмаган. Бироқ, Қатар Йўл ҳаракати қоидаларининг 94-моддасида бундай қоидабузарликка йўл қўйган ҳайдовчи 1 ойдан 3 йилгача қамалиши ёки 10 минг риёлдан 50 минг риёлгача ($2700-$13700) жаримага тортилиши белгилаб қўйилган.
Мавзуга оид

10:04 / 08.03.2025
Утилизация йиғимининг оширилиши. Бу Ўзбекистондаги экологик вазиятни ёмонлаштиради

13:29 / 08.02.2025
“Утилизация қарори ортидан Ўзбекистон ЖСТга аъзо бўлолмайди” – экспертлар билан суҳбат

17:57 / 06.02.2025
Ўзи йўқ, лекин тўлови бор утилизация. Триллионлар қаерга кетяпти?

17:14 / 05.02.2025