Uzum Market янада яқинроқ: ёз давомида топшириш пунктлари сони 2 баробарга ошди

Ўтган 3 ой давомида яна 94 та шаҳар аҳолисида Узум Маркет буюртма топшириш пунктлари, шунингдек, UzPost почта бўлимларида миллий маркетплейсдан буюртма олиш имконияти пайдо бўлди. Шу билан бирга, янги шаҳарларнинг 48 фоизида аҳоли сони 30 мингдан кам, 17 фоизида эса — 10 минггача. Ёз давомида энг кўп топшириш пунктлари Фарғона водийсида очилди — у ерда янги нуқталар умумий сонининг тахминан 30 фоизини ташкил қилади.

— Биз учун бутун мамлакат бўйлаб одамларда кунгабоқар мойидан тортиб кондиционер ва музлаткичларгача бўлган ҳар қандай товарларни тез етказиб бериш ва унумли нархларда сотиб олиш имконияти бўлиши муҳим, — дейди Uzum Market буюртма топшириш пунктларини ривожлантириш ва бошқариш бўйича директори Георгий Низомутдинов. — Логистика инфратузилмасини ривожлантириш, айниқса, товарлар танлови чекланган кичик аҳоли пунктларида, одамларнинг ҳаёт сифатини оширишга ва, албатта, янги иш ўринларини яратишга ёрдам беради.

Йил якунига қадар маркетплейс топшириш пунктлари тармоғини 1000 тагача кўпайтириб, 10 мингдан ортиқ аҳоли яшайдиган барча шаҳар ва қишлоқларни қамраб олишни режалаштирган. Умуман олганда, миллий маркетплейс географияси 180 та аҳоли пунктида 678 та топшириш пунктини ўз ичига олади.

Реклама ҳуқуқи асосида