Қўшимча функционаллар
-
Тунги кўриниш
Самарқандда пул эвазига қарздорликни ёпиб бермоқчи бўлган туман газ идораси ходими ушланди
У 14 млн сўмлик қарздорликни йўқотиб бериш учун фуқародан 7 млн сўм олаётганда қўлга олинган.
Фото: Видеодан кадр
Самарқанд вилояти Паст Дарғом туманида пул эвазига қаздорликни ёпиб бермоқчи бўлган туман газ идораси ходими ушланган. Бу ҳақда вилоят ИИБ ахборот хизмати хабар бермоқда.
Маълум қилинишича, 2024 йил 6 август куни Самарқанд вилояти ИИБ Тезкор қидирув хизмати, Жиноят қидирув бошқармаси томонидан Паст Дарғом туманида тезкор тадбир ўтказилган.
Тадбирда туман газ идораси ходими туманнинг Камолот маҳалласида яшовчи фуқародан табиий газ тармоғидан узилган хонадоннинг 14 млн сўмлик қарзини пул эвазига йўқотиб, газ тармоғига қайта улаб беришни ваъда қилиб 7 млн сўм олаётганда қўлга олинган.
Қайд этилишича, ҳолат юзасидан Жиноят кодексининг 168-моддаси билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга оид
12:21 / 05.03.2025
Давлат хизматчилари даромадини декларациялашга оид қонунни қабул қилиш вақти келди — президент
11:44 / 05.03.2025
Бош вазирга 117 та вазирлик ва идорадаги «коррупцияга қарши ички назорат» тузилмалари раҳбарларини ишдан олиш топширилди
11:30 / 05.03.2025
Президент Коррупцияга қарши курашиш агентлиги фаолиятидан мутлақо норозилигини айтди
10:41 / 05.03.2025