Қўшимча функционаллар
-
Тунги кўриниш
Россия: АҚШ билан стратегик барқарорлик бўйича мулоқотни бошлаш учун ҳеч қандай шартни кўрмаяпмиз
Москва ҳозирги босқичда Вашингтоннинг мулоқотга ҳақиқий қизиқишини кўрмаяпти, деди Мария Захарова.

Фото: Россия ТИВ
Ҳозирги босқичда Москва Вашингтоннинг стратегик барқарорлик ва қуролларни назорат қилиш бўйича мулоқотдан ҳақиқий манфаатдорлигини ҳамда уни бошлаш учун зарур шарт-шароитларни кўрмаяпти. Бу ҳақда Россия ТИВ расмий вакили Мария Захарова изоҳида айтилади.
АҚШ давлат котиби ўринбосари Мэллори Стюартнинг Россия қурол назорати бўйича мулоқотни қайта тиклашни Украинани қўллаб-қувватлашни тўхтатиш билан боғлаши ҳақидаги баёнотига изоҳ бериш сўровига жавобан дипломат Америка томонининг Россия позицияси бўйича талқини ўта содда кўринишини айтди.
«Стюарт қуролларни назорат қилиш тизимининг қулаши учун жавобгарликни Россияга юклашга ҳаракат қилди. АҚШнинг РҚҲ шартномаси ва ЎКМРШдан чиқиши ҳақида эслатилганда, у дарҳол «пластинкани ўзгартирди» - гўёки, бундай айбловлар бизни ҳеч қаёққа олиб бормайди ва уларни четга суриб қўйган маъқул», деди Захарова.
Дипломатнинг эслатишича, Очиқ осмон шартномасидан чиққанлик ва ЯСККТни ратификация қилишдан бош тортганлик учун «АҚШ ҳам жавобгардир».
Бундан ташқари, Вашингтон ва унинг НАТО бўйича иттифоқчилари Россиянинг асосий хавфсизлик манфаатларига зарар етказадиган постсовет маконини ҳарбий ва сиёсий жиҳатдан ривожлантиришга интилишди ва уларга қаршилик кўрсатилгач, Россия Федерациясининг жанг майдонидаги «стратегик мағлубияти» учун гибрид уруш бошладилар, деб таъкидлади расмий вакил.
Бундай ҳаракатлар, Захарованинг фикрича, ядровий кучлар ўртасида тўғридан тўғри тўқнашувга олиб келиши мумкин. «Ва бундай шароитда Стюарт Россия томони қурол назорати бўйича мулоқотни умумий салбий ҳарбий-сиёсий контекстдан, муносабатларнинг тушкун ҳолатидан «бўлиб олишга» тайёр эмаслигидан шикоят қилади. Бу позиция бизга иккиюзламачилик ёки абсурд кўринади», — деди Мария Захарова.
Дипломатнинг эслатишича, АҚШ билан стратегик барқарорлик ва қурол-яроғ назорати бўйича мулоқот учун асос Вашингтон Россия Федерациясининг миллий хавфсизлигига путур етказиш бўйича ҳозирги «ақлдан озган йўл»дан (сўзда эмас, амалда) бош тортгандан кейингина пайдо бўлиши мумкин.
Шу билан бирга, ушбу мавзулар бўйича ҳар қандай фаразий мунозаралар фақат кенг қамровли бўлиши мумкин, бунда асосий эътибор хавфсизликнинг асосий муаммолари, масалан, НАТОнинг Шарққа агрессив экспансиясини бартараф этишга қаратилиши лозим, дея тушунтирди дипломат.
«Ҳозирги босқичда биз Вашингтоннинг мулоқотга ҳақиқий қизиқишини, шунингдек, уни бошлаш учун зарур шарт-шароитларни кўрмаяпмиз», деб таъкидлади Мария Захарова.
Тавсия этамиз
20 июлдан бошлаб 1-2 кунга хорижга чиққанлар Ўзбекистонга божсиз товар олиб киролмайди
Иқтисодиёт | 19:31 / 15.07.2025
Болаларни итдек вовуллатган «дефектолог»га янги жиноий иш очилди
Жамият | 18:06 / 15.07.2025
Etihad Airways Ўзбекистонга парвозларни йўлга қўяди
Ўзбекистон | 15:18 / 15.07.2025
Банк карталардан 1 млрд сўмга яқин пулларни ўзлаштирган жиноий гуруҳ қўлга олинди
Жамият | 21:42 / 14.07.2025
Сўнгги янгиликлар
-
«Барселона» дунёнинг энг қашшоқ давлатидан 44 миллион евро олади
Спорт | 23:49 / 16.07.2025
-
АҚШ хавотирда: BRICS Ғарб гегемониясини йиқитадими?
Жаҳон | 23:14 / 16.07.2025
-
Кўкдаладаги портлаш, Қорақалпоғистонда аномал ҳарорат ва Мирободда ушланган подполковник – маҳаллий дайжест
Ўзбекистон | 23:06 / 16.07.2025
-
Германияни жаҳон чемпиони қилган мураббий Ўзбекистон билан ишлаши мумкин
Спорт | 22:44 / 16.07.2025
Мавзуга оид

23:14 / 16.07.2025
АҚШ хавотирда: BRICS Ғарб гегемониясини йиқитадими?

22:11 / 16.07.2025
Европа бўйлаб ҳужумларда иштирок этган россиялик ҳакерлар гуруҳи қўлга олинди

16:31 / 16.07.2025
«Ҳарбий ҳамкорлик режасига мувофиқ» — Сурхондарёда Ўзбекистон ва Россия ҳарбийлари машғулот бошлади

12:04 / 16.07.2025