iPhone учун антиқа ғилоф ўйлаб топилди

Ғилоф смартфонни тугмали телефонга айлантиради.

Фото: Clicks.tech

CES кўргазмасида iPhone учун мўлжалланган ва механик QWERTY клавиатураси билан жиҳозланган Clicks ғилофи тақдим этилди. Аксессуар эски BlackBerry смартфонларини соғинадиган ва умуман тугмали телефонларни афзал кўрадиганлар учун яратилган.

Ғилоф iPhone смартфонига Lightning ёки USB-C орқали уланади. Аксессуар жуда жипс ўрнашади ва клавиатура билан монолит гаджет ҳиссини яратади. У ёритиладиган тугмаларга ва ҳарфларнинг таниш тартибига эга.

iPhone 14 Pro ва 15 Pro учун мўлжалланган ғилоф смартфон узунлигини 188,45 мм (+41,85 мм) га оширади. Умумий вазнига эса 62 грамм қўшилади.

Клавиатурада батарея йўқ, у смартфон батареясидан қувват олади. Махсус улагич iPhone смартфонини аксессуар орқали қувватлантириш имконини ҳам беради.

Тугмага эга бўлиш нафақат қулай ёзиш, балки экран майдонини сезиларли даражада кенгайтириш имконини беради, чунки гаджет аппарат клавиатураси сифатида танилади.

iPhone 14/15 Pro учун мўлжалланган Clicks нархи 139 долларга, iPhone 15 Pro Max учун мўлжалланган модели эса 159 долларга сотилади. Аксессуар кулранг ва сариқ рангларда тақдим этилади. Унга расмий веб-сайт орқали олдиндан буюртма бериш мумкин.

#технологиялар #Iphone #Clicks