Қўшимча функционаллар
-
Тунги кўриниш
Қайси соҳа вакиллари келгусида даромадларининг ошишини кўпроқ кутишмоқда? – МБ аҳолининг истеъмол кайфияти шарҳини эълон қилди
Марказий банк ўтказган сўровномада иштирок этган 34 фоиз респондент жамғармалари 1 ойгача, 19 фоизи 1−3 ойга етишини маълум қилган бўлса, 35 фоиз қатнашчи жамғармалари мавжуд эмаслигини билдирган.

Фото: Марказий банк
Марказий банк 2023 йил I чораги бўйича аҳолининг истеъмол кайфияти шарҳини эълон қилди. Унда бир қанча аҳамиятли жиҳатни кўриш мумкин.
Шарҳга кўра, жорий йилнинг I чорагида истеъмол кайфияти индекси (ИКИ) IV чоракка нисбатан 2,3 бандга камайиб, 23,8 бандни ташкил этган.
Қуйидагилар истеъмол кайфияти индексининг пасайтирувчи омиллари бўлган:
- аҳоли томонидан харажатларнинг мақбуллаштирилиши;
- кредитга бўлган эҳтиёжнинг бироз камайиши;
- жамғаришга бўлган мойилликнинг ошиши.
Ўз навбатида, даромадларнинг ошиши ҳисобига жамғармаларнинг кўпайиши бўйича ижобий кутилмалар шаклланиши ўрта муддатли истиқболда истеъмол кайфияти индексига оширувчи таъсир кўрсатиши кутилмоқда.
Даромад субиндекси
I чоракда келгуси даромадлари кўпайишини кутаётганлар улуши аввалги чорак натижалари каби кўпчиликни ташкил этган ва уларнинг улуши 68 фоизга тенг бўлган (ўтган чоракда ушбу кўрсаткич 65 фоизни ташкил этган). Ўз навбатида, даромад субиндекси ҳам 0,4 бандга (2022 йилнинг мос даврига нисбатан эса 3,2 бандга) кўтарилиб, 10,8 бандга етган.
Келгусида даромади ошишини кутаётган респондентларнинг аксарияти 7-10 млн сўмгача ойлик даромадга эга бўлган гуруҳга тўғри келмоқда. Даромади нисбатан пастроқ (2-3 млн. сўмгача) бўлган аҳоли вакилларининг келгусида даромади ортиши бўйича кутилмалари қолган даромад гуруҳларига нисбатан пастроқ шаклланган.
Сўровда маиший хизмат, қурилиш, фан-таълим, тиббиёт, АТ ва ОАВ ҳамда савдо соҳаларида фаолият юритувчиларнинг даромадлари бўйича оптимистик кутилмалари ўтган чоракка нисбатан янада ижобийлашган. Аксинча, ишлаб чиқариш, кафе-ресторан ва туризм соҳасидагиларнинг келгусидаги даромадлари бўйича кутилмалари нисбатан пасайган.
Харажат ва жамғарма субиндекси
Ўтган чоракда кўпчилик респондентлар таълим, уй-жой таъмири, даволаниш, автомобиль ва маиший техника харидига кўпроқ маблағ сарфлаганларини таъкидлаган бўлсалар, келгуси ойларда уй-жой таъмири ва хариди учун, таълим, автомобиль, даволаниш ва бошқа қўшимча харидларни амалга ошириш истагида бўлганлар кўпчиликни ташкил этган. Шу боис, ушбу товар ва хизматларга талабнинг юқори даражада сақланиб қолиниши кутилмоқда.
Таҳлилларга кўра, аксарият респондентлар (жамига нисбатан 35 фоиз) жамғармалари мавжуд эмаслигини таъкидлаган. Шунингдек жамғармалари 1 ойгача етадиган респондентлар улуши тахминан 34 фоизни ташкил этган бўлса, 1−3 ойгача бўлган давр учун ушбу кўрсаткич тахминан 19 фоизга тенг.
Иқтисодиёт бўйича кутилмалар
Мамлакат иқтисодиётининг келгуси 12 ой истиқболлари бўйича ижобий кутилмага эга жавоблар улуши аввалги чоракка нисбатан 5 фоизга ошган бўлса (58 фоиз), ёмонлашишини кутганлар улуши 6 фоизга қисқарган.
Узоқ муддатли иқтисодиёт бўйича кутилмалар қисқа муддатга нисбатан оптимистик характерга эга бўлиб, хусусан, яқин 3 йиллик истиқболлари бўйича кутилмалари аввалги чоракка нисбатан 0,6 фоиз бандга кўпайиб, 72 фоизни ташкил этган.
Мавзуга оид

21:57 / 08.07.2025
Ўзбекистоннинг олтин-валюта захиралари 6 ой ичида илк марта камайди

12:40 / 25.06.2025
Банкни тугатишга оид қоидалар белгиланди

09:17 / 20.06.2025
Марказий банк 13 та банкка жарима санкцияси қўллади

16:51 / 18.06.2025