Қўшимча функционаллар
-
Тунги кўриниш
Тахиатош тумани ҳокими 100 млн сўм порани турмуш ўртоғи орқали олгани маълум бўлди
Қорақалпоғистон Республикаси Тахиатош тумани ҳокими коррупция билан қўлга олиниши тафсилотлари маълум қилинди.
Фото: taqiyatas.uz
Қорақалпоғистоннинг Тахиатош тумани ҳокими Илҳом Маткаримов 100 миллион сўм порани турмуш ўртоғи орқали олгани маълум бўлди. Бу ҳақда ДХХ томонидан тайёрланган махсус лавҳада маълум қилинган.
Маълум қилинишича, ҳоким маҳаллий фермер хўжалиги раҳбарига шоличилик фаолияти билан эркин шуғулланишига амалий ёрдам беришни ваъда қилиб, ундан 100 миллион сўм талаб қилган ва келишилган пулни хонадонига олиб бориб, рафиқасига беришни айтган.
«Ҳокимнинг рафиқаси 100 миллион сўмни олган вақтида ашёвий далиллар билан қўлга олинган», — дейилади лавҳада.
Аввалроқ Қорақалпоғистоннинг Тахиатош тумани ҳокими Илҳом Маткаримов 1 ноябр куни қамоққа олингани, унга нисбатан Жиноят кодексининг 168-моддаси (фирибгарлик) 3-қисми ва 25, 211-моддаси (пора бериш) 2-қисми билан жиноят иши қўзғатилгани хабар қилинганди. Ўшанда прокуратура ижтимоий тармоқларда Илҳом Маткаримовнинг турмуш ўртоғи ҳам қамоққа олингани ҳақидаги хабарларни рад этганди.
Мавзуга оид
12:21 / 05.03.2025
Давлат хизматчилари даромадини декларациялашга оид қонунни қабул қилиш вақти келди — президент
11:44 / 05.03.2025
Бош вазирга 117 та вазирлик ва идорадаги «коррупцияга қарши ички назорат» тузилмалари раҳбарларини ишдан олиш топширилди
11:30 / 05.03.2025
Президент Коррупцияга қарши курашиш агентлиги фаолиятидан мутлақо норозилигини айтди
10:41 / 05.03.2025