Москва ва Минералние Водидан Тошкентга учган самолётлар муқобил аэродромга йўналтирилди

Россиянинг «Азимут» авиакомпаниясининг Минералние Води — Тошкент йўналиши бўйича рейси об-ҳаво шароити, кучли шамол ва кўриш имкониятининг пастлиги туфайли Навоий аэропортига жўнатилди.

Фото: Uzbekistan Airports

Uzbekistan Airports хабарига кўра, бортида 91 йўловчи бўлган ukhoi Superjet 100-95B самолёти маҳаллий вақт билан соат 12:19 да Навоий халқаро аэропортига қўнган. Об-ҳаво яхшилангач, самолёт соат 13:23 да қайта Тошкентга учиб кетган.

Шунингдек, бугун соат 05:42 да об-ҳаво шароити туфайли Uzbekistan Airways авиакомпаниясининг Москва — Тошкент рейсини амалга ошираётган Boeing 787-8 Dreamliner самолёти Навоий аэропортига бориб қўнган.

Бироз вақт ўтгач, об-ҳаво шароити яхшилангандан сўнг бортида 226 йўловчи бўлган самолёт Тошкент аэропортига уча олган.

#Москва #самолёт