Қўшимча функционаллар
-
Тунги кўриниш
Австралияда Samsung чалғитувчи реклама бергани учун 10 млн доллар жаримага тортилди
Samsung компания смартфонларидан бассейн ва денгизда чўмилаётганда фойдаланиш мумкинлиги айтилган рекламалар берган. Назорат органи смартфондан сувда фойдаланилганидан сўнг муаммолар пайдо бўлган юзлаб истеъмолчиларнинг шикоятларини ўрганиб чиққан.
Фото: Samsung
Samsung компанияси Galaxy смартфонларининг сув ўтказмаслиги тўғрисида чалғитувчи реклама бергани учун 9,7 млн доллар жарима тўлайди. Бу ҳақда Австралия рақобат ва истеъмолчилар ҳуқуқларини ҳимоя қилиш комиссияси маълум қилди.
Комиссиянинг билдиришича, Samsung 2016 йил март ва 2018 йил октябри оралиғида компания смартфонларидан бассейн ва денгизда чўмилаётганда фойдаланиш мумкинлиги айтилган тўққизта реклама материали чиқарган. Реклама кампаниялари Facebook, Twitter, Instagram тармоқларида, компания сайти ва дўконларда ўтказилган.
Назорат органи смартфондан сувда фойдаланилганидан сўнг муаммолар пайдо бўлган юзлаб истеъмолчиларнинг шикоятларини ўрганиб чиққан. Айрим ҳолатларда қурилмалар бутунлай ишламай қолгани айтилган.
Компаниянинг Австралиядаги бўлинмаси смартфонлар бассейн ёки денгиз сувига солинганида уларнинг қувватлагич тирқиши коррозияга учраши ва ишдан чиқишини тан олган.
Қайд этилишича, муаммо Samsung Galaxy S7, S7 Edge, A5 (2017), A7 (2017), S8, S8 Plus ва Note 8 смартфонлари билан боғлиқ.
Мавзуга оид
12:24 / 30.04.2025
АҚШ Австралиянинг Америка танкларини Киевга беришига тўсқинлик қиляпти
21:25 / 28.04.2025
Австралия Украина учун Abrams танкларини етказиб беришни кечиктирди
21:02 / 28.04.2025
Австралиядаги радиостанция ярим йил давомида СИ-бошловчидан фойдаланиб келгани маълум бўлди
16:31 / 28.04.2025