Сирдарёда етти килолик чақалоқ туғилди

Сирдарё тумани тиббиёт бирлашмаси акушерлик комплексида етти килолик қизалоқ туғилди. Бу ҳақда Сирдарё вилоят соғлиқни сақлаш бошқармаси ахборот хизмати хабар бермоқда.

Туман тиббиёт бирлашмаси бош шифокори Санъат Қодировнинг айтишича, она ва боланинг соғлиғи яхши. Уларга шифокор ва ҳамширалар белгиланган тартибда ёрдам кўрсатяпти. 

Қайд этилишича, чақалоқ кесарча кесиш амалиёти орқали туғилган. Ҳозирда уларнинг саломатлиги назоратда экани айтилади.

Маълумотларга кўра, бундай катта вазнли чақалоқ Сирдарё вилояти тарихида биринчи бор туғилиши. Уни дунёга келтирган она асли Сирдарё туманидан бўлиб, 1998 йилда туғилган. Қизалоқ эса унинг биринчи фарзанди.

Бундан олдин Тошкент шаҳрининг Юнусобод туманида ёш оила 4 нафар эгизак фарзандли бўлгани хабар қилинганди.