Нукусда ағдарилган Land Cruiser ҳукуматга тегишли эмаслиги маълум бўлди

Бир қанча вақт олдин Нукусдаги Телемарказ маҳалласида Toyota Land Cruiser 200 русумли машина йўлдан чиқиб кетгани ҳақида хабар берилганди. Бу маълумот дастлаб маҳаллий нашрлар томонидан тарқатилган.

Вазирлар Кенгашининг матбуот котиби Азамат Ажимуратовнинг Kun.uz мухбирига маълум қилишича, автоҳалокатга учраган 95 120 ҚАА давлат рақамига эга машина Қорақалпоғистон Республикаси Жўқорғи Кенгеси ва Вазирлар Кенгашига тегишли эмас.

Вазиятга ойдинлик киритиш учун Kun.uz мухбири Қорақалпоғистон ЙҲХБ билан боғланди. Бошқарма матбуот котиби Салават Қаллибековнинг маълум қилишича, автоҳалокатга учраган 95 120 ҚАА давлат рақамига эга машина «Зарубежнефтегаз-ГПД централная азия» компаниясига тегишли.