Қўшимча функционаллар
-
Тунги кўриниш
Кегейлида 5 минг доллар эвазига Миллий гвардия тизимига ишга киритмоқчи бўлганлар қўлга олинди
Фото: Прокуратура департаменти
Қорақалпоғистонда Миллий гвардия тизимига ишга киритмоқчи бўлган фирибгарлар фаолияти фош этилган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, прокуратура ҳузуридаги департамент ҳамда ДХХнинг Кегейли тумани бўлимлари тезкор тадбир ўтказган. Унда фуқаро М.Б. фуқаро Р.нинг ишончига кириб, танишлари орқали уни Миллий гвардиянинг Қорақалпоғистон Республикаси тизимига ишга киритиб қўйиш эвазига 5 минг АҚШ долларини олган вақтида ушланган. Унинг кўрсатувларига асосан давом этган тадбирда шериги А.Қ. 5 минг АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Бундан олдин Беруний ва Элликқалъада ер сотмоқчи бўлганлар қўлга олинганди.
Мавзуга оид
09:54 / 06.03.2025
Миллий гвардия тизимига ишга киритиш билан боғлиқ ноқонуний ҳолатлар аниқланди
17:11 / 07.02.2025
Миллий гвардияга маъмурий жазо чорасини қўллаш ваколати берилди
12:29 / 25.01.2025
Миллий гвардияга ўқувчилар билан боғлиқ ҳуқуқбузарлик учун маъмурий жазо қўллаш ваколати берилмоқда
15:58 / 21.01.2025