Бош вазир карантинда ҳам мажлисбозлик тўхтамаётганини танқид қилди

Ўзбекистонда эпидемиологик вазият ёмонлашаётгани боис чақирилган Республика махсус комиссияси йиғилишида бош вазир, комиссия раиси Абдулла Арипов мажлисбозликлар тўхтамаётганини танқид қилди.

{Yii::t(}

Ўтказиб юбориш 6s

«Бир неча бор таъкидланганига қарамай, давлат органлари ва ташкилотларида мажлис ва йиғилишлар ёпиқ залларда 2-3 соатлаб ўтказилиши афсуски давом этяпти. Ваҳоланки, президентимиз айтганлар, 45 минутдан кўп мажлис қилмаларинг, тез-тез гапирадиган гапингни гапиргин-да, бориб ишларингни қилларинг, деганлар.

Йўқ... Албатта, кимдир чиқиб ваъзхонлик қилиши керак!» – деди Абдулла Арипов.

Ҳукумат раҳбари тўйлар масаласига ҳам тўхталди.

«Тўйларда 100 кишилик чекловга умуман амал қилинмаяпти. Кечирасизлар-ку, тўйлар 200-300 кишилик бўлиб кетди. Давлат бошқаруви идораларида раҳбар лавозимларида ишлайдиганларнинг ўзлари ҳам шундай тўй қиляпти. Керак бўлса, шу сабаб билан лавозимидан кетади», – деди у.

Ўзбекистонда коронавирус ҳолатлари кескин ошаётгани ортидан фавқулодда йиғилиш ўтказилди. Тафсилотлар

#Абдулла Арипов #мажлисбозлик