Ўзбекистондаги мактабларнинг 22,5 фоизида спорт заллари йўқлиги маълум қилинди

Ўрганиш давомида умумий ўрта таълим мактабларини ва мактабгача таълим муассасаларини спорт заллари билан таъминлаш ҳамда улардаги мавжуд имкониятлардан фойдаланиш даражаси ҳам пастлигича қолаётгани маълум бўлган. 

Адлия вазирлиги ахборот хизматининг билдиришича, Фарғона вилоят ХТБ тасарруфидаги 785 та мактаб спорт залларининг 114 таси, яъни 14,5 фоизи таъмирталаб ҳолатда.

Жумладан, Боғдод туманидаги 40 та мактаб спорт залларининг 21 таси, 52,5 фоизи таъмирталаб аҳволда. Қўштепа туманидаги 34-мактабдаги таъмир ҳолати эса собиқ иттифоқ давридан сақланиб қолган ва зарур инвентарлар мавжуд эмас.

Ўрганиш давомида ҳудудлар бўйича давлат тасарруфидаги 6126 та боғчанинг 4 986 тасида, яъни 81,4 фоизи хавфсиз спорт майдончалари ва бино-иншоотлари билан таъминланмагани аниқланган.

Мисол учун, Наманган вилояти мактабгача таълим бўлимлари тасарруфидаги 576 та боғчанинг 574 таси (99,6 фоизи), Сурхондарё вилоятидаги 376 та боғчанинг бирортасида спорт заллари мавжуд эмас.

«Спорт турларидан назарий дарс ўтяпмиз» — Андижоннинг Хўжаободида мактаб спорт зали 4 йилдан бери битмаяпти

Равшан Эрматов: «Ҳудудлардаги 30 фоиздан ортиқ мактабларда спортзал йўқ»