Қўшимча функционаллар
-
Тунги кўриниш
Автомобилларни ижарага бериш бўйича дунёдаги энг йирик сервислардан бири банкрот бўлди
Автомобилларни ижарага бериш бўйича дунёдаги энг йирик сервислардан бири бўлган Hertz банкрот бўлганини эълон қилди. Бу ҳақда CNN хабар бермоқда.
Фото: EPA/Vostock-photo
Компания коронавирус пандемияси сабабли юз берган иқтисодий пасайишнинг навбатдаги қурбонига айланди.
Компания баёнотида айтилишича, коронавирус пандемияси саёҳатлар ва автомобиллар ижарасига бўлган талабга кескин таъсир қилган, натижада даромад пасайиб кетган. Туристлардан ташқари, автомобили таъмирлашда бўлганлар ҳам сервис мижозлари ҳисобланади. Аммо COVID-19 боис кўпчилик уйида қолмоқда ва уларга машинанинг кераги йўқ. Hertz кўрсаткичлар қачон аввалги даражага қайтишини билмаслигини тан олди.
Аввалроқ АҚШда JCPenney, Neiman Marcus ва J.Crew кийим дўконлари тармоқлари, Whiting Petroleum ва Diamond Offshore Drilling энергетика компаниялари банкрот бўлганини эълон қилганди.
Hertz компаниясининг дунё бўйича 568 мингга яқин автомобили ва 12,4 мингга яқин ижарага бериш нуқталари бор.
Ушбу сервис 1918 йилда ташкил этилган ва ишини ўн дона "Форд" автомобили билан бошлаган. Компания Буюк тушкунлик, Иккинчи жаҳон уруши ва бир нечта нефть инқирозларидан омон чиққанди.
Коронавирус
Мавзуга оид
15:40 / 05.12.2022
Россияда банкротлик тўғрисида аризалар бериш сони кескин ошди
14:55 / 03.11.2021
Британияда яна бир нечта энергетика компанияси банкрот бўлди
20:00 / 02.11.2021
Илон Маск йирик шартнома ҳали имзоланмаганини айтгандан кейин Tesla акциялари арзонлашиб кетди
21:26 / 22.12.2020